Gliese 680

De Wikipedia
Saltar a navegación Saltar a la gueta
Gliese 680
Gliese 680
Constelación Ara
Ascensión reuta α 17h 35min 13,62s
Declinación δ -48º 40’ 51,1’’
Distancia 31,9 años-lluz
Magnitú visual +10,14
Magnitú absoluta +10,18
Lluminosidá 0,033 soles (bolométrica)
Temperatura 3540 K
Masa 0,35 soles
Radiu 0,50 soles
Tipu espectral M3V

Gliese 680 (GJ 680 / HIP 86057 / CD-48 11837)[1] ye una estrella na constelación d'Ara, l'altar, asitiada visualmente a pocu más de 1º de λ Arae. Con magnitú aparente +10,14, nun ye visible a simple vista. Anguaño alcuéntrase a una distancia de 31,9 años lluz, y el so máximu acercamientu al Sistema Solar va tener llugar dientro de 184.000 ~ años, cuando se va averar a menos de 15 años lluz.[2]

Gliese 680 ye una nana colorada de tipu espectral M3V con una temperatura superficial de 3540 K,[3] bien asemeyáu a otres nanes de la nuesa redolada como Struve 2398 A, Gliese 628 o Gliese 687. El so radiu ye la metá del radiu solar[4] y tien una lluminosidá nel espectru visible equivalente al 0,74% de la lluminosidá solar; sicasí, si inclúyese la radiación infrarroxo emitida —importante nuna estrella de les sos carauterístiques—, la so lluminosidá bolométrica xube hasta'l 3,3% de la que tien el Sol.[3] Ye posible que sía una estrella variable, recibiendo la denominación de variable provisional NSV 9166.[1]

El sistema estelar conocíu más cercanu a Gliese 680 ye 41 Arae, distante 3,7 años lluz.[5]

Referencies[editar | editar la fonte]