Gigurros

Gigurros
Xeografía
Estáu	España

Los gigurros (según Pliniu) o egurnion (según Ptoloméu), yeren una tribu de los astures (o ástures) augustanos o cismontanos. La so capital yera Forum Gigurrorum.

Taben afincaos en Valdiorras, ente los ríos Bibei y Cabrera. El nome de la comarca de Valdiorras remanez del nome d'esti pueblu (Eurres y Iorres na Alta Edá Media, más sero Vallem de Iorres, y fasta'l sieglu XIX Valdiorres, qu'alternará con Valdeorras).

Cola aportada y conquista de los romanos y la posterior romanización, el so migoyu foi "Forum Gigurrorum", metanos A Rúa, formando parte del conventu xurídicu asturicense con capital n'Astorga. La mención más antigua apaez nel Edictu d'Augusto , 15 e.C.., o Bronce de Bembibre. D'esta tribu, llegarenmos les siguientes inscripciones: (toes elles atopaes en Valdeorras (Ourense). Fonte "Hispania Epigraphica" “Q(uintus) Iul/[ius] Tiro / Tilleno / v s l m” Nu. de rexistru. 7674

”L(ucio) Pompeio L(uci) F / Pom(ptina) Reburro Fabro / Gigurro Calubrigen(si) / probato in coh(orte) VIII pr(aetoria)“ Nu. de rexistru. 8421

“Libero Patri / G(aius) Vetius / Felicio” Nu. de rexistru. 8422

“Endius / Caranci//s” Nu. de rexistru. 8423

Tamién afayóse nel Puente de Domingo Flórez (Lleón) otra inscripción que fala d'un tal Arquio Guigurru.

“Conso / S[- - -]ensi / P(ublius) Arquius / Clemens / Gigurrus” Nu. de rexistru. 16502

Referencies[editar | editar la fonte]

Enllaces esternos[editar | editar la fonte]