Gamma Circini

De Wikipedia
Saltar a navegación Saltar a la gueta
Gamma Circini
Gamma Circini
Constelación Circinus
Ascensión reuta α 15h 23min 22,66s
Declinación δ -59º 19’ 14,5’’
Distancia 509 años-lluz
Magnitú visual +4,46
Magnitú absoluta -1,51
Lluminosidá 366 soles
Temperatura 8015 K
Radiu 10 soles
Tipu espectral B5 IV
Velocidá radial -16,9 km/s

Gamma Circini (γ Cir / HD 136415J / HR 5704) ye una estrella de la constelación de Circinus, el compás, de magnitú aparente +4,46. Ye la tercera más brillosa de la constelación dempués de α Circini y β Circini. Alcuéntrase a unos 509 años lluz del Sistema Solar.

Gamma Circini ye una estrella subxigante blancu-azulada de tipu espectral B5 IV[1] con una lluminosidá 366 vegaes mayor que la del Sol y un diámetru 10 vegaes mayor. La so velocidá de rotación, al igual qu'otres estrelles de carauterístiques asemeyaes, ye enforma mayor que la solar: Gamma Circini xira a una velocidá de 278 km/s.[2] De resultes d'ello, esiste un discu circumestelar alredor de la estrella que xenera línea d'emisión de hidróxenu. Esta clase d'estrelles son conocíes como estrelles Be, ente les que se cunten Achernar (α Eridani) y Gomeisa (β Canis Minoris). El rellumu de Gamma Circini varia ente magnitú 4,50 y 4,56.[3]

Gamma Circini ye una estrella doble, onde una estrella mariella de tipu F8 acompaña a la subxigante blancu-azulada.[4] Separaes visualmente 0,9 segundos d'arcu, estudios espectroscópicos indiquen que l'acompañante» ye una nana mariella en realidá muncho más próxima a nós que la estrella principal.[2] Por tanto, dambes seríen compañeres óptiques y non un verdaderu sistema binariu.

Referencies[editar | editar la fonte]