GJ 1002

De Wikipedia
Saltar a navegación Saltar a la gueta
GJ 1002
GJ 1002
Constelación Cetus
Ascensión reuta α 00h 06min 43,20s
Declinación δ -07º 32’ 17,1’’
Distancia 15,3 ± 0,2 años lluz
Magnitú visual +13,76
Magnitú absoluta +15,39
Lluminosidá 0,000061 soles
Temperatura 3150 K
Masa 0,11 soles
Radiu 0,13 soles
Tipu espectral M5.5Vn
Velocidá radial -42 km/s

GJ 1002 (LHS 2 / G 158-27 / Zkh 3)[1] ye una estrella a namái 15,3 años lluz del Sistema Solar asitiada na constelación de Cetus. Los sistemes estelares más próximos a ella son GJ 1005, a 2,98 años lluz, la Estrella de Van Maanen, nana blanca a 4,4 años lluz, y Gliese 876, estrella onde s'afayaron dellos planetes estrasolares, a 4,94 años lluz.[2]

GJ 1002 ye una nana colorada de rellumu bien débil que, con magnitú aparente +13,76,[3] namái ye visible con telescopios. La so masa ye apenes el 11% de la masa solar, con un radiu en redol al 13% de la solar.[4] Pertenez al tipu espectral M5.5V,[1] siendo una estrella de carauterístiques asemeyaes a la conocida Proxima Centauri o a UV Ceti (Luyten 726-8 B), esta postrera tamién na mesma constelación. A diferencia d'estos dos estrelles que son estrelles acandilantes, GJ 1002 paez ser una estrella inactiva que'l so fluxu magnético superficial ye nulu.[4] La so temperatura efectivo ye de 3150 K y la so lluminosidá ye namái'l 0,0061% de la que tien el Sol.[2] Tien una velocidá de rotación igual o inferior a 2,3 km/s.[5]

Ver tamién[editar | editar la fonte]

Referencies[editar | editar la fonte]