Fueru d'Uviéu
| Tipu | fueru |
|---|---|
| Estáu | España |
 | |
El Fueru d'Uviéu ye'l fueru dau a la ciudá asturiana d'Uviéu per parte d'Alfonso VI.
Historia[editar | editar la fonte]
El documentu foi realizáu depués de la visita del monarca a la Catedral d'Uviéu y l'apertura del Arca Santa nesi mesmu viaxe. L'escritu orixinal nun se caltién teniendo referencies d'él gracies un documentu de Fernando IV fecháu en 1295 nel que ve inscritu'l Fueru dau en 1145 por Alfonso VII confirmando l'anterior d'Alfonso VI.
Testu[editar | editar la fonte]
El fueru contemplaba dos facetes de gobiernu, la parte políticu-organizativa y la parte sobro'l Derechu Civil.
Lleis organizativas[editar | editar la fonte]
Na parte organizativa indicaba :
...el cargu de merín recayera siempres nun vecín de la ciudá, nun siendo obligatoriu y teniendo namái'l rei la potestá de deponelo; que los habitantes de la ciudá fueren namái vasallos del Rei, siendo llibre tou siervu del fiscu real que s'acueya al Fueru; la inviolabilidad de la casa; la exención de la fonsadura sacante cuando tando movilizaos tolos homes d'armes de los demás conceyos, el Rei tuviera corralada o riquiera auxiliu en combate; la igualdá énte la llei de magnates y vecinos llanos; la exención del serviciu personal al qu'obligaba la posesión de tierres.
Derechu Civil[editar | editar la fonte]
Na parte del derechu civil indicaba:
...que los propietarios de tierres fueren llibres de vendeles entá cuando abandonen la ciudá y que pudieren testar siempres y cuando nun quitaren por completu d'heriedu a los sos fíos.
L'incumplimientu del derechu traía una multa,
...castigándose'l falsu testimoniu y l'allanadura de morada y considerándose eximente del cargu por agresión el ser injuriado pol afrelláu colos calificativos de cornudu, sodomita, traidor o similares. Prohibíase'l procedimientu del embargu cuando'l demandáu emprestaba fianza, establecíase la obligatoriedá d'emprestar declaración ya instituyíense la prueba caldaria y la prueba del duelu.
Otres disposiciones[editar | editar la fonte]
El testu completábase con disposiciones poles que se dexaba'l comerciu llibre de sidra y pan y castigar a los comerciantes qu'engañaren nes midíes.
Referencies[editar | editar la fonte]
Enllaces esternos[editar | editar la fonte]
Wikimedia Commons tien conteníu multimedia tocante a Fueru d'Uviéu.
| Control d'autoridaes |
|
|---|
Datos: Q5812344