Francisco Pérez Muñiz

De Wikipedia
Francisco Pérez MuñizPicto infobox character.png
Vida
Nacimientu

Corniana[1]31  de xunetu de 1905

[1]
Nacionalidá Flag of Spain.svg España
Muerte

Madrid[1]26  de marzu de 1960

[1] (54 años)
Estudios
Estudios Universidá Pontificia de Salamanca
Conventu de San Esteban
Oficiu teólogu, filósofu, profesor universitariuescritor
Emplegadores Conventu de San Esteban
Universidá Pontificia de Santu Tomás d'Aquinu
Creencies
Orde relixosa Orde de Predicadores
Cambiar los datos en Wikidata

Francisco Pérez Muñiz (31  de xunetu de 1905Corniana – 26  de marzu de 1960Madrid) foi un relixosu dominicu, teólogu, filósofu, profesor universitariu y escritor asturianu.

Biografía[editar | editar la fonte]

Nació na llocalidá asturiana de Corniana, nuna familia d'humildes llabradores. Empecipió a estudiar n'Humanidaes, nel colexu de San Xuan Bautista en Courias (1916-1920). En tomando l'hábitu de la Orde de Santu Domingo (30 d'agostu de 1920) en Courias, siguió ellí los estudios de Filosofía (1921-1923), realizando'l cuartu cursu na Universidá Pontificia de Salamanca (1923-1924), y concluyendo los cursos de Teoloxía nel conventu de San Esteban en Salamanca (1924-1929), onde llogró'l grau de llector en Teoloxía y ordenóse sacerdote.[2]

Entamó la so carrera docente nel antiguu conventu de Courias, enseñando Metafísica ya Historia de la Filosofía Antigua y Media (1929-1930). Siguió nel conventu salamanquín de San Esteban (1930-1935) impartiendo les asignatures de Metafísica, Teodicea, Apologética y Teoloxía Dogmática. Y prosiguió nes Facultaes de Filosofía y de Teoloxía de la Universidá Pontificia de Santu Tomás d'Aquinu (1935- 1959). Enantes, la Guerra civil española sorprendiólu de vacaciones n'España, onde foi fechu prisioneru. Mientres esi tiempu estudió matemátiques y llingua aramea.)[3]

En acabando la guerra civil española, regresó a Roma onde continuó enseñando nel Angelicum hasta que l'españíu de la Segunda Guerra Mundial sosprendiólu n'España. En Madrid, ensin poder tornar a Roma, foi profesor de Teoloxía Dogmática d'Álvaro del Portillo, José María Hernández Garnica y José Luis Múzquiz —los tres primeros miembros del Opus Dei— que se ordenaron el 24 de xunu de 1944.[3]

En 1946 la Orde dio-y el títulu de maestru en Teoloxía. Pérez Muñiz escribió diversos artículos en Revista Española de Filosofía, en Ciencia Tomista y en La Vida Sobrenatural y contribuyó dafechu a la publicación del testu billingüe de la Summa theologiæ de Santu Tomás d'Aquinu, ediyada pola Biblioteca d'Autores Cristianos. Pérez Muñiz redactó les introducciones particulares, anotaciones y apéndices a los volumes I y III.[4]

N'acabando'l cursu académicu 1958/59 enfermó y treslladóse a Madrid, onde falleció'l 26 de marzu de 1960.[4]

Referencies[editar | editar la fonte]

  1. 1,0 1,1 1,2 1,3 Identificador DBE: 22814.
  2. Díaz Díaz, Gonzalo (1980-2003). Instituto de Filosofía Luis Vives: Hombres y documentos de la filosofía española, páx. 419.
  3. 3,0 3,1 Requena, Federico M. (2015). «El claustro académico del Centro de Estudios Eclesiásticos de la Sociedad Sacerdotal de la Santa Cruz: los profesores de Teología del beato Álvaro del Portillo». Studia et Documenta: Rivista dell’Istituto Storico san Josemaría Escrivá (Roma) IX (9):  páxs. 13-55. ISSN 1970-4879. https://cedejbiblioteca.unav.edu/web/centro-de-estudios-josemaria-escriva/biblioteca-virtual/es/viewer/11326/el-claustro-academico-del-centro-de-estudios-eclesiasticos-de-la. Consultáu 'l 2022-09-02. 
  4. 4,0 4,1 Rodríguez de la Torre, Fernando (2018). Voz: Francisco Pérez Muñiz. Real Academia de la Historia. Consultáu'l 2022-09-13.

Enllaces esternos[editar | editar la fonte]