Fi Andromedae

De Wikipedia
Saltar a navegación Saltar a la gueta
Fi Andromedae
Fi Andromedae
Constelación Andrómeda
Ascensión reuta α 01h 09min 30,13s
Declinación δ +47º 14’ 30,5’’
Distancia 740 ± 130 años lluz
Magnitú visual +4,54 / +5,55
Magnitú absoluta -2,51 (conxunta)
Lluminosidá 1980 / 350 soles (aprox)
Radiu 7,6 / 5,1 soles (aprox)
Tipu espectral B6 IV / B9 V
Velocidá radial -0,1 km/s

Fi Andromedae o Phi Andromedae (φ And / 42 Andromedae / HD 6811) ye una estrella binaria de la constelación d'Andrómeda. Tamién la conoz pol nome tradicional de Keun Nan Mun, que comparte con χ Andromedae. El nome provién de la frase en mandarín 軍南門 jūnnánmén, que significa «el portal sur del campamentu». De magnitú aparente +4,26, alcuéntrase a unos 740 años lluz de distancia de la Tierra.

Fi Andromedae A, la componente principal, ye una estrella subxigante blancu-azulada de tipu espectral B6 IV y magnitú 4,54. Les temperatures nun pudieron ser midíes individualmente al tar les dos estrelles bien próximes, pero asumiendo una temperatura de 14.000 K para Fi Andromedae A, la so lluminosidá (correxida cola radiación emitida nel ultravioleta) sería 1980 vegaes superior a la del Sol. Fi Andromedae B ye una estrella tamién blancu-azulada, pero inda en secuencia principal, siendo'l so tipu B9 V. La so magnitú ye 5,55 y la so lluminosidá ye 350 vegaes mayor que la solar. La separación ente dambes varia ente 80 y 140 UA con un periodu orbital de 372 años, magar los parámetros orbitales pueden contener errores yá que namái se pudo reparar una parte de la órbita. El apoastru —máxima separación ente los dos componentes— va tener llugar en 2075.

Fi Andromedae A ye una estrella Be, una clase d'estrelles arrodiaes por un discu circumestelar que produz llinies d'emisión nel espectru. Estes estrelles tienen siempres una elevada velocidá de rotación (del orde de 200 - 300 km/s), polo que'l valor midíu pa Fi Andromedae, 81 km/s, implica qu'el so exa de rotación ta bastante inclináu al respective de la Tierra.

Referencies[editar | editar la fonte]