Family

De Wikipedia
Saltar a navegación Saltar a la gueta

Family foi un grupu de pop vascu, formáu polos músicos Javier Aramburu (voz, guitarres, programaciones) ya Iñaki Gametxogoikoetxea (baxu y programaciones), qu'influyó abondo na música española nel fin del sieglu XX.

Obra[editar | editar la fonte]

Family espublizó namás dellos EPs y el discu "Un soplo en el corazón" (Elefant Records, 1994). El grupu refugó d'avezu les entrevistes y la publicidá, espardiendo una sola semeya pelos medios (la cuala, por un lóxicu efeutu, ye perconocía anguaño y na que se ve los músicos nel sablón de La Concha, San Sebastián). Tres esti discu, el grupu nun dio más nueves su les sos intenciones futures. Javier Aramburu ye güei ún los grafistes más nomaos nel mundu musical español.

Sicasí l'influxu que la música de Family caltién n'España ye perimportante, al puntu que puea dicise, ensin error, que nun hai un grupu nel greyu alternativu (indie) con un pesu paecíu. Pue mentase l'esceución del perfamosu grupu granaínu Los Planetas, que quiciás seya inda más seguíu nos años caberos, poro nun ye posible escaecer el deprendimientu de Family que esti mesmu grupu tuvo.

Bona imaxen d'esto ye que, nel añu 2003, la discográfica Elefant, n'andecha cola revista Rockdelux, espublizó un discu ("Resoplidos al corazón") nel que dellos grupos españoles tornaben los cancios orixinales de Family col propiu xeitu. La llista el discu, acullá idees comerciales, amuesa que Family ye entovía un trabe esencial na música española: La Buena Vida, Chucho, Astrud, Nosoträsh, Fangoria o Los Planetas.

El estilu de Family, allugáu por dellos críticos nel Soníu San Sebastián, tién un raigón británicu, nun llonxanu de grupos como New Order o, en certu mou, The Smiths.

Un soplo en el corazón[editar | editar la fonte]

  1. La noche inventada
  2. Nadadora
  3. Como un aviador
  4. En el rascacielos
  5. El bello verano
  6. Portugal
  7. El buen vigía
  8. Viaje a los sueños polares
  9. Al otro lado
  10. Carlos baila
  11. Yo te perdí una tarde d'abril
  12. Dame estrelles o limones
  13. El mapa
  14. Martín se ha ido para siempre