Falla de Torrelodones

Falla de Torrelodones
Situación
Tipu	falla
Datos

La falla de Torrelodones ye una de les principales falles de la sierra de Guadarrama, formación montascosa perteneciente al sistema Central. Atópase na parte noroccidental de la comunidá autónoma española de Madrid y toma el so nome del pueblu homónimu, unu de los conceyos que la falla traviesa.

Orixe y xeomorfoloxía

Forma parte d'una serie de quebres surdíes mientres la Oroxenia Alpina, que dieron llugar al llevantamientu de la sierra en distintos bloques y al fundimientu de la cuenca del ríu Tajo.

El sistema de falles nel que s'encuadra la de Torrelodones sigue una direición noroeste-sureste, dixebrando les roques plutóniques y metamórfiques pertenecientes al zócalo hercínico del macizu montascosu de los materiales sendimentarios terciarios que rellenen la fuesa del Tajo.

Anque'l terrén tien un sustratu pedrés de granitu, un material de gran estabilidá, n'ocasiones prodúcense pequeños movimientos sísmicos, debíos a la esistencia d'estes falles, rotures del bloque de granitu a gran fondura.

Como resultáu de la desnivelación tectónica ente dambos dominios xeolóxicos, la redolada de la Falla de Torrelodones queda constituyíu por materiales de transición. Los bloques de granitu y gneis, carauterísticos de la sierra de Guadarrama, apaecen recubiertos d'una matriz de sable y magre, elementos dominantes na depresión del Tajo.

Redolada urbana

Na redolada de la falla de Torrelodones concéntrense delles edificaciones d'interés históricu-artísticu o turísticu. Cabo citar, dientro del términu municipal de Torrelodones, el palacete de la finca Panarras, llevantáu a principios del sieglu XX como residencia del políticu Manuel García Prieto; les ruines de la presa d'El Gasco, obra d'inxeniería hidráulica del sieglu XVIII; y el Casino Gran Madrid, inauguráu en 1981.

Nel conceyu de Las Rozas de Madrid, caltiénense los restos de la canal del Guadarrama, empezáu a construyir nel sieglu XVIII.

Referencies

• Datos: Q5855490