Eugenio I

De Wikipedia
Eugenio I
75. Papa

656 - 1r xunu 657 (Gregorianu)
Martín I - Vitaliano
Vida
Nacimientu Romadable sieglu de VII
Nacionalidá Bandera de Imperiu bizantín Imperiu Bizantín
Muerte Roma4 de xunu de 657
Sepultura basílica de San Pedru
Oficiu sacerdote católicu
Llugares de trabayu Roma
Santoral
2 de xunu
Creencies
Relixón Ilesia Católica[1]
Cambiar los datos en Wikidata

Eugenio I (dable sieglu de VIIRoma – 4 de xunu de 657Roma) foi'l papa nᵘ 75 de la Ilesia católica ente 654 y 657,[2] veneráu como santu.

Nació en Roma. Foi escoyíu papa por espresa voluntá del emperador Constante II, un añu antes de la muerte del so antecesor Martín I, mientres ésti yera conducíu en cadenes a Constantinopla.

El cleru romanu y el mesmu Eugenio I nun s'opunxeron a la voluntá de Constante, probablemente non por sumisión o mieu, sinón por motivos d'oportunidá. Seique nun quería indisponer al emperador quien, por casu, pudiera faer escoyer a un papa monotelista; o quiciabes dando muestres de condescendencia, non quixo comprometese entá más la yá precaria posición del papa Martín I. Nun hai dulda de que l'actitú d'Eugenio I foi demasiáu reverente y condescendiente, hasta tal puntu que'l Liber Pontificalis definiólu como demasiao «benévolu, duce y llenu de mansedume».

Escontra'l final de la so vida, refugó la epístola sinodal que-y unvió'l patriarca Pedro, que contenía graves ambigüedaes doctrinales en sentíu monotelista, y negóse a suscribir un oficiu de fe dictada pol mesmu emperador. Antes bien, contestó a la provocación denunciando los abusos y les persecuciones que Martín I sufriera per parte de la Corte imperial, faciéndolos de públicu dominiu.[3]

Recibiría'l mesmu trato que'l so antecesor si mentanto nun morriera. Prescribió que los sacerdotes tuvieren que guardar castidá perpetua.

Referencies[editar | editar la fonte]

  1. Afirmao en: Catholic-Hierarchy.org. Identificador Catholic Hierarchy de persona: eugen. Data de consulta: 14 ochobre 2020. Llingua de la obra o nome: inglés.
  2. "Pope St. Eugene I" in The Catholic Encyclopedia. Vol. 5. New York: Robert Appleton Company, 1909.
  3. Mann, Horace Kinder (1909). " Papa San Eugenio I ". En Herbermann, Charles. Enciclopedia Católica . 5 . Nueva York: Robert Appleton.

Enllaces esternos[editar | editar la fonte]


Predecesor:
Martín I
Papa

654 - 657
Socesor:
Vitaliano