Estáu de drechu

De Wikipedia
Saltar a: navegación, buscar

L'Estáu de Drechu ye una clas d'Estáu. L'estáu de drechu ye un conceutu de teoría política, xurídica y moral y sostién que l'autoridá del gobiernu namái que pue desendolcase acordies cola lleis escrite, qu'han ser adoptaes al traviés del procedimientu establecíu. Non tolos estaos nin tolos drechos faen un Estáu de Drechu; namái qu'aquellos estaos controlaos pol drechu y aquel drechu llexítimu. La principal carauterística del Estáu de Drechu ye'l entamu de llegalidá tamién conocíu como Imperiu de la llei.

L'Estáu de Drechu, amás, ye un estáu nel que'l so drechu defende y garantiza determinaos drechos y llibertaes qu'hestóricamente considérense fundamentales. Otru rasgu carauterísticu habitual nun Estáu de Drechu ye que, dientro de sí, caltién una separtación de les funciones llecislativa, executiva y xudicial.

El términu Estáu de Drechu tien el so orixe na doctrina alemana (Rechtsstaat). El primeru que lu emplegó foi Robert von Mohl nel so llibru Die deutsche Polizeiwissenschaft nach den Grundsätzen des Rechtsstaates .

Hestoria[editar | editar la fonte]

ye un conceutu xurídicu políticu lligáu a la Modernidá. La separtación de poderes ñaz de les idees de Montesquieu na Revolución Francesa de 1789 y na Guerra de la Independencia d'Estaos Xuníos, y adulces estiéndese pel restu los países d'Europa y aquellos que taben embaxo la so influencia. Ente los precursores ideolóxicos del Estáu de Drechu y los sos componentes básicos tán los pensadores que vienen darréu: