Orson Welles

Orson Welles en 1937

Orson Welles (Kenosha, Wisconsin, 6 de mayu de 1915 - Los Ánxeles, 10 d'ochobre de 1985) foi un actor, guionista, director y productor de cine estaunidense.

A los 18 años empicipió a trabayar en teatru. En 1938 xunta della xente de la so compañía, representó per radio una adaptación de la obra de H.G. Wells, The War Of The Worlds (la guerra de los mundos). L'adaptación yera abondo realista y causó pánicu auténticu na ciudá de Nueva Jersey, onde se suponía que taben aportando los estraterrestres. Esti episodiu dio-y fama y valió-y un contratu con una productora con llibertá total pa escribir, dirixir y producir.

En 1941 dirixió la so primer y, sigún la crítica, obra maestra, Citizen Kane (el ciudadanu Kane), basada na vida de William Randolph Hearst, propietaru de dellos medios de comunicación.

La película supunxo un ésitu total de crítica, pero non de públicu, polo que la productora quitó-y el control total sobre el montaxe de les películes siguientes.

Destacó amás como adaptador al cine d'obres de William Shakespeare y de Franz Kafka.

Morrió na ciudá de Los Ánxeles, pero foi deseyu d'él que les sos cenices foran enterraes en Ronda, Málaga.

Enllaces esternos

• Wikimedia Commons acueye conteníu multimedia sobre Orson Welles.