Monte Kilimanjaro

03° 04' 00" S, 37° 21' 00" E

Kilimanjaro
Semeya del Kilimanjaro
Altura:	5.895 metros
Coordenaes	03° 04' 00" S, 37° 21' 00" E
Asitiamientu:	Tanzania
Cordelera:	Grand Rift
Primera ascensión:	1889 por Hans Meyer, Ludwig Purtscheller y el guía Yohana Lauwo
Ruta más cenciella:	rutes Marangu, Rongai y Machame

El Kilimanjaro ye un volcán allugáu nel Parque Nacional Kilimanjaro en Tanzania, ye la cume más alta d'África con 5.895 m d'altor máximu n'Uhuru Peak y ún de los volcanes más altos del mundu.

Ye un estratovolcán formáu por tres cráteres con ñeves perpetues, pola mor del glaciar qu'esiste na so cume. Nos últimos años preocupen muncho l'amenorgamientu aceleráu del grosor y de la superficie del glaciar.

Etimoloxía

L'orixe del so nome nun ye nidiu. Paez remanecer nes pallabres swahilis, kilima (monte pequeñu) y njaro (degorriu del frío); o bien de la espresión njaro (caravanes), en referencia a los convois d'esclavos de los vendedores árabes de Zanzíbar, que facíen una posa pa tomar alendu nos paraxes. Dalgunos apunten a la pallabra njare, la fonte del agua. Los masai denómenlu cenciellamente Ngage Ngai, ye dicir la 'casa de Dios'.

Xeografía

Alcuéntrase nel marxe oriental del Valle del rift. Amuesa que tuvo muncha actividá volcánica nel Pleistocenu. Nun s'alcuentra aislláu dafechu na llanada africana, ta acompangáu por otros tres conos volcánicos, orientaos nun exe este-suroeste: el más antiguu, Shira, al oeste, con un altor de 3962 m, Mawenzi al este, con un altor de 5149 m y, ente ellos, Kibo, que ye'l más recién y amuesa señales d'actividá, en forma de fumaroles. Ente'l Kibo y el Mawenzi hai una plataforma de cerca de 3600 ha, denomada “la siella” (“the Saddle”, n'inglés, siella de montar) que conforma la mayor área de tundra d'altura n'África.

Kilimanjaro [1]

Enllaces esternos

• Wikimedia Commons tien conteníu multimedia tocante a Monte Kilimanjaro.