Grupu folclóricu "Blimea"

Orixe

El Grupu Folclóricu Blimea entamó la so trayeutoria nel añu 1958 en Blimea, Asturies. El so llabor centróse siempre na recuperación y conservación de los bailles, cantares y sones asturianos, sorrayando l'allegría carauterística del pueblu asturianu.

Pa dar too esto a conocer llevaron a cabu muestres, esposiciones, concentraciones, concursos y varies actividaes más que siguen faciendo anguaño.

Nes sos actuaciones traten d'implicar a la xente que tienen al so alredor, procurando que los espectadores pasen de ser simples observadores a convirtise en participantes activos del folclor asturianu. Esto, cuando se consigue, ye una esperiencia que-yos resulta especialmente prestosa, faciendo que'l gustu polo asturiano dientro'l grupu se renueve actuación tres actuación.

Nel repertoriu'l grupu inclúyense dances, xotes, llixeros y muñeires d'estremaes fasteres d'Asturies, predominando pieces de la zona central, contando tamién con polques, pasudobles, bailles-xuegu, y un bayurosu repertoriu de cancios y romances acompañaos cola pandereta, panderu, gaita, curdión y bandurria.

Enllaces esternos

• Páxina del G. F. Blimea en Blogspot
• Canal en Youtube del G. F. Blimea

• Datos: Q20617764