Ḷḷ

Ḷ (minúscula: ḷ) ye una lletra del alfabetu llatinu derivada de la L con una marca diacrítica en forma de puntu inferior. Úsase en delles llingües pa representar varios soníos.

• N'asturianu, úsense dos (Ḷḷ, minúscula: ḷḷ) pa representar dalgunos soníos dialeutales del oeste con la ll estándar que representa el fonema llateral palatal (AFI) /ʎ/). Ente esti grupu de pronunciaciones dialeutales, comunmente denominaes che vaqueira, podríen apaecer básicamente:

1. plosiva retroflexa sonora [ɖ]
2. africada retroflexa sonora [dʐ]
3. africada alveolar sorda [t͡s].

Antiguamente, esti grupu de soníos yeren representados por lh (el sistema d'escritura propuestu por Fernán Coronas), ts o ŝ. Esti grafema sólo s'utiliza en textos dialeutales y en toponimia del oeste d'Asturies. Poles dificultaes d'usar esti grafema en textos dixitales úsase'l símbolu non-diacríticu l.l (mayúscula: L.l).

• En fonética representa l'alófonu llateral interdental y apaez cuando el fonema /l/ ta en posición silábica postnuclear y precede a /θ/.