Boy band

Backstreet Boys ye la boy band que más discos vendió hasta agora.

Una boy band ye un tipu de grupu pop formáu por dellos mozos cantantes qu'usualmente nun suelen tocar nengún preséu direutamente. Les boybands nun tán centraes namái nel pop, enfocándose dalgunes nel hip-hop. Pueden provenir de coros de la ilesia o de grupos de música Gospel, pero de cutiu son axuntaos por mánagers de talentos o productores discográficos, qu'escueyen los componentes del grupu pola so apariencia o les sos habilidaes a la de baillar, rapear y cantar. La primer boyband de la hestoria fueron los Jackson 5, un quintetu d'hermanos d'aú surdiría Michael Jackson. Les boy band conocen la so gran puxanza y rellumanza nos años 80 cola llegada de Menudo y New Kids on the Block. Darréu, y yá nos años 90 llega Backstreet Boys, considerada la boy band más esitosa ya influyente de tolos tiempos, con ventes que perpasaron los 140 millones de discos en tol planeta, y qu'aínda s'atopen vixentes con más de 20 años de trayeutoria. Otres importantes boyband foron los 'N Sync, de la que surdió Justin Timberlake, y Take That (considerada la banda británica más esitosa dende los Beatles), onde se dio a conocer Robbie Williams, ún de los cantantes más relevantes de la década de los 2000. Yá nesta década, lleguen bandes como'l quintetu d'irlandeses Westlife con gran ésitu nel Reinu Xuníu. La boyband actual más conocida ye One Direction (Reinu Xuníu), que llegó al ésitu col so primer cenciellu.

A pesar de la definición de boy band, postulóse que si dalguna integración musical namái compónse de miembros del xéneru masculín y si la vestimienta ye lo bastante llamativa, esta podría considerase una boy band. Tal ye'l casu de Def Leppard (Reinu Xuníu) lo mesmo que de Poison (Estaos Xuníos), dambes catalogaes como hard rock pero consideraes dientro d'esta categoría; ha solliñase, qu'estes dos bandes carauterícense por nun respetar la moral y les bones costumes de los países a los que salen de xira llegando a falta-yos al respetu a los asistentes a los eventos tipu meet and greet fechos previos a los conciertos.

Álbumes de boy bands más vendíos

Álbum	Banda	Ventes	Añu	Estilu
Backstreet's Back/Backstreet Boys (U.S.)	Backstreet Boys	25.2 millones	1997	Pop
Millenium	Backstreet Boys	23.8 millones	1999	Pop
No Strings Attached	'N Sync	15.3 millones	2001	Pop
II	Boyz II Men	15 millones	1994	R&B
*NSYNC	'N Sync	12.5 millones	1998	Pop
Black & Blue	Backstreet Boys	11.5 millones	2000	Pop
Cooleyhighharmony	Boyz II Men	10 millones	1991	R&B
Backstreet Boys	Backstreet Boys	7.9 millones	1996	Pop
Celebrity	'N Sync	6.8 millones	2001	Pop
Take Me Home	One Direction	6.3 millones	2012	Pop
Up All Night	One Direction	6.25 millones	2011	Pop
Midnight Memories	One Direction	5.25 millones	2013	Pop
Greatest Hits	The Jackson 5	4.75 millones	1971	Pop
Victory	The Jacksons	4.48 millones	1984	Pop
globe	Globe	4.2 millones	1996	J-pop