Boy band

De Wikipedia
Artículu revisáu
Backstreet Boys

Una boy band ye un tipu de grupu pop formáu por dellos mozos cantantes qu'usualmente nun suelen tocar nengún preséu direutamente. Les boybands nun tán centraes namái nel pop, enfocándose dalgunes nel hip-hop. Pueden provenir de coros de la ilesia o de grupos de música Gospel, pero de cutiu son axuntaos por mánagers de talentos o productores discográficos, qu'escueyen los componentes del grupu pola so apariencia o les sos habilidaes a la de baillar, rapear y cantar. La primer boyband de la historia fueron los Jackson 5, un quintetu d'hermanos d'aú surdiría Michael Jackson. Les boy band conocen la so gran puxanza y rellumanza nos años 80 cola llegada de Menudo y New Kids on the Block. Darréu, y yá nos años 90 llega Backstreet Boys, considerada la boy band más esitosa ya influyente de tolos tiempos, con ventes que perpasaron los 120 millones de discos en tol planeta, y qu'aínda s'atopen vixentes con más de 20 años de trayeutoria. Otres importantes boyband foron los NSYNC, de la que surdió Justin Timberlake, y Take That (considerada la banda británica más esitosa dende los Beatles), onde se dio a conocer Robbie Williams, ún de los cantantes más relevantes de la década de los 2000. Yá nesta década, lleguen bandes como'l quintetu d'irlandeses Westlife con gran ésitu nel Reinu Xuníu. La boyband actual más conocida ye One Direction (Reinu Xuníu), que llegó al ésitu col so primer cenciellu.

A pesar de la definición de boy band, postulóse que si dalguna integración musical namái se compón de miembros del xéneru masculín y si la vistimienta ye lo bastante llamativa,[1][2] esta podría considerase una boy band. Tal ye'l casu de Def Leppard (Reinu Xuníu) lo mesmo que de Poison (Estaos Xuníos), dambes catalogaes como hard rock pero consideraes dientro d'esta categoría; ha solliñase, qu'estes dos bandes carauterícense por nun respetar la moral y les bones costumes de los países a los que salen de xira llegando a falta-yos al respetu a los asistentes a los eventos tipu meet and greet fechos previos a los conciertos.

Álbumes de boy bands más vendíos[editar | editar la fonte]

Álbum Banda Ventes Añu Estilu
Millenium Backstreet Boys 23.8 millones 1999 Pop
Backstreet's Back/Backstreet Boys (U.S.) Backstreet Boys 21 millones 1997 Pop
No Strings Attached NSYNC 15.3 millones 2001 Pop
II Boyz II Men 15 millones 1994 R&B
Make It Big Wham 14 millones 1984 Pop soul
*NSYNC NSYNC 12.5 millones 1998 Pop
Backstreet Boys Backstreet Boys 11.9 millones 1996 Pop
Black & Blue Backstreet Boys 11.5 millones 2000 Pop
Hangin' Tough New Kids on the Block 11 millones 1988 R&B
Cooleyhighharmony Boyz II Men 10 millones 1991 R&B
Step by Step New Kids on the Block 8 millones 1990 Pop
Celebrity NSYNC 6.8 millones 2001 Pop
The Hits – Chapter One Backstreet Boys 6.6 millones 2001 Pop
Take Me Home One Direction 6.3 millones 2012 Pop
Up All Night One Direction 6.25 millones 2011 Pop
Midnight Memories One Direction 5.25 millones 2013 Pop
Greatest Hits The Jackson 5 4.75 millones 1971 Pop
Victory The Jacksons 4.48 millones 1984 Pop
The Final Wham 4.4 millones 1985 Pop soul
globe Globe 4.2 millones 1996 J-pop

Referencies[editar | editar la fonte]