Escolástica de Nurcia

Escolástica de Nurcia
abadesa
Vida
Nacimientu	Norcia (en) , 480
Muerte	Villa Santa Lucia (en) , 10 de febreru de 547 (66/67 años)
Familia
Hermanos/es	Benitu de Nursia
Oficiu
Oficiu	monxa
Santoral
10 de febreru
Creencies
Relixón	Ilesia Católica
Orde relixosa	Nuns of the order of Saint Benedict (en)

Santa Escolástica (480, Norcia ^(en)  – 10 de febreru de 547, Villa Santa Lucia ^(en) ) foi una relixosa italiana elevada a los altares pola Ilesia católica.

Hermana de san Benitu de Nursia, foi consagrada al serviciu divín dende neña. Cuando'l so hermanu fundó Montecassino, abrió cerca un conventu cola mesma regla, llamáu Piumarola, del qu'Escolástica foi abadesa.

Tenía'l costume de visitar a San Benitu una vegada al añu y como nun taba permitíu qu'entrara al monesteriu, él salía al so alcuentru pa llevala a una casa d'enfotu, onde los hermanos pasaben la velada orando, cantando himnos d'allabancia a Dios y aldericando asuntos espirituales. Sobre la última visita, San Gregorio fai una notable descripción, na cual, la santa, presintiendo que nun volvería ver más al so hermanu, rogólu que nun partiera esa nueche sinón a otru día, pero San Benitu sintióse incapaz de romper les regles del so monesteriu.

Entós, Santa Escolástica apeló a Dios con una fervosa oración por qu'interviniera na so ayuda, y darréu, españó una fuerte nube que torgó que'l so hermanu tornara al monesteriu. Los dos santos pasaron la nueche falando de les coses santes y d'asuntos espirituales. Trés díes depués, la santa morrió, y el so hermanu, que s'atopaba embaíu na oración, tuvo la visión de l'alma de la so hermana xubiendo al cielu en forma de palombu.

Enllaces esternos

• Wikimedia Commons acueye conteníu multimedia sobre Escolástica de Nurcia.

• Datos: Q231300
• Multimedia: Saint Scholastica