Escaldu

De Wikipedia
Saltar a navegación Saltar a la gueta
18-08-2021 15:38
Bersi Skáldtorfuson compón poesía dempués de ser prindáu pol rei Óláfr Haraldsson. La ilustración ye de Christian Krohg.

Los escaldos (del skald) son poetes guerreros viquingos que pertenecíen a la corte de los reis escandinavos mentanto la Edá Media.

Sirvíen a los monarques emponderándolos en composiciones poétiques como los drápar que principalmente teníen la función d'aponderar la so arrogancia o l'heroísmu qu'amosaron en dalguna batalla.

Les sos obres constitúin la llamada poesía escáldica, carauterizada pol versu aliterativu y figures retóriques, una de les cuales yera'l kenning.

Famosos escaldos son protagonistes de les sagues como, por casu, Egil Skallagrímson, de la saga del so mesmu nome.

El braeru papel d'un escaldu nun yera namái componer poemes, na Edá Media tamién se-yos consideraba cronistes, escritores, testigos de la hestoria y, en cierta midida, el so perfil yera como los reporteros na actualidá. Yeren, en resume, una autoridá histórica.[1] Olaf II de Noruega méntalo nidiamente poco primero de la batalla de Stiklestad:

Él llamó a los sos escaldos y ordenó-yos entrar na sala de la so fortaleza. «Vós tenéis de tar equí», dixo, «y ser testigos de too lo que va asoceder equí. Entós nun vais precisar que naide vos diga un res, pos vais poder dicilo por vós mesmos y componer versos sobro ello más tarde».[2]

Escaldos destacaos[editar | editar la fonte]

Conócense a más de 300 escaldos a lo llargo d'un periodu que va dende'l 800 al 1200 d.C., munchos de los cualos figuren na Skáldatal.

Ver tamién[editar | editar la fonte]

Referencies[editar | editar la fonte]

  1. Allen Mawer, M.A., The Vikings, Luis Echávarri (trad.), Cambridge University Press (ed.), Pleamar, Tucumán, Buenos Aires, 1944, p. 9.
  2. Snorri Sturluson Óláfs saga helga Cap. 206

Enllaces esternos[editar | editar la fonte]