Ernie Morrison
Ernie Morrison | |
|---|---|
 | |
| Vida | |
| Nacimientu | Nueva Orleans, 20 d'avientu de 1912[1] |
| Nacionalidá |
 Estaos Xuníos |
| Muerte | Lynwood, 24 de xunetu de 1989[1] (76 años) |
| Sepultura |
Cementerio Inglewood Park (es)  |
| Causa de la muerte | cáncanu |
| Oficiu | actor de televisión, actor de cine, actor de teatru |
| Premios |
ver
|
| Serviciu militar | |
| Lluchó en | Segunda Guerra Mundial |
| IMDb | nm0425409 |
 | |
Ernest Fredric "Ernie" Morrison (20 d'avientu de 1912, Nueva Orleans – 24 de xunetu de 1989, Lynwood) foi un actor infantil d'Estaos Xuníos, qu'actuó col nome artísticu de "Sunshine Sammy". Morrison foi l'únicu miembru afroamericanu de los East Side Kids, al igual qu'unu de los mozos orixinales de Our Gang. Amás, trabayó acompañando a Harold Lloyd y a Snub Pollard, foi comediante de cine mudu, artista de vodevil, baillarín y líder de banda.
Biografía[editar | editar la fonte]
Nacíu en Nueva Orleans, Louisiana, Morrison entró nel mundu del espectáculu siendo neñu, al sustituyir a otru actor infantil que yera incapaz de dexar de llorar y glayar nel plató.
Morrison llegó a actuar xunto a Harold Lloyd y Snub Pollard, dos de los más importantes cómicos de la dómina, en distintes curtios d'humor. Foi'l primer actor afroamericanu en roblar un contratu de llarga duración, nel so casu col productor de comedies Hal Roach en 1919. Cuando Roach concibió en 1921 la so serie Our Gang, producción na cual trabayaben actores infantiles en situaciones xuveniles, Morrison foi'l primer neñu en ser reclutado. Morrison dexó la serie en 1924 pa trabayar nel vodevil, xéneru nel cual llegó a los niveles d'artistes como Bud Abbott y Lou Costello o Jack Benny.
En viaxando un tiempu en xira por Australia en compañía de Sleepy Williams, Morrison volvió a los Estaos Xuníos, siendo escoyíu por Sam Katzman pa ser unu de los East Side Kids. Dende'l principiu, Morrison aprovechó les sos esperiencies nel East Side de la ciudá de Nueva York pa formar el personaxe de "Scruno". Pasó tres años col grupu enantes de dedicase a otres actividaes, de cutiu trabayando n'actuaciones promocionales xunto a Huntz Hall y Bobby Jordan. Morrison dexó los Kids cuando se-y ufiertó la oportunidá de trabayar col grupu The Four Step Brothers, una destacada formación d'intérpretes teatrales y cinematográficos negros.
Mientres la Segunda Guerra Mundial foi apuntáu nel Exércitu de los Estaos Xuníos. En llicenciándose, ufiertáron-y un papel na serie de The Bowery Boys, que s'empecipiaba entós, pero tornó la ufierta.[2]
Morrison finalmente dexó'l mundu del espectáculu y acabó trabayando nuna fábrica de pieces aeronáutiques, aparentemente ensin tener problemes financieros.[3] N'años posteriores pudo vése-y como convidáu na serie Good Times.
Ernie Morrison finó por causa de un cáncer en Lynwood (California) el 24 de xunetu de 1989. Foi soterráu nel Campusantu Inglewood Park de Inglewood (California).
Seleición de la so filmografía[editar | editar la fonte]
| Añu | Títulu | Papel | Observaciones |
|---|---|---|---|
| 1916 | The Soul of a Child | Ensin creitos | |
| 1918 | Dolly's Vacation | Ebenezer Eczema Abraham White | Acreditáu como Sambo |
| 1919 | The Little Diplomat | George Washington Jones, Jr. | Acreditáu como Little Sambo |
| 1920 | Waltz Me Around | Acreditáu como Sunshine Sammy Morrison | |
| 1921 | Rush Orders | Narcissus | Acreditáu como Sunshine Sammy Morrison |
| 1922 | One Terrible Day | Booker T. | |
| 1923 | Non Noise | Sunshine Sammy | |
| 1924 | Fast Company | Sunshine Sammy | |
| 1926 | Between Meals |
Acreditáu como Sunshine Sammy Morrison | |
| 1940 | I Can't Give You Anything But Love, Baby | Joe | Acreditáu como Sammy Morrison |
| 1941 | Spooks Run Wild | Scruno | Acreditáu como Sunshine Sammy Morrison |
| 1942 | Let's Get Tough! | Scruno | Acreditáu como Sunshine Sammy Morrison |
| 1943 | Clancy Street Boys | Scruno | Acreditáu como Sammy Morrison |
| 1944 | Greenwich Village | Unu de los cuatro Step Brothers | Ensin creitos |
| 1974 | Good Times |
Episodiu: "The TV Commercial" |
Referencies[editar | editar la fonte]
- ↑ 1,0 1,1 Afirmao en: Find a Grave. Identificador Find a Grave: 8797561. Apaez como: Ernest Morrison. Data de consulta: 9 ochobre 2017. Llingua de la obra o nome: inglés.
- ↑ Hayes, David & Walker, Brent The Films of the Bowery Boys Citadel Press; 1st edition (October 1984)
- ↑ Leo Gorcey: Bobby Jordan's Funeral en YouTube
Enllaces esternos[editar | editar la fonte]
- Ernie Morrison na Internet Movie Database (n'inglés)
- Ernie Morrison n'AllMovie (n'inglés)
- «Ernie Morrison». en Find a Grave. Consultáu'l 18 de mayu de 2009. (n'inglés)
| Control d'autoridaes |
|
|---|
Datos: Q475405
Multimedia: Ernie Morrison