Engelbert Dollfuss
| Engelbert Dollfuss | |||||
|---|---|---|---|---|---|
 | |||||
20 mayu 1932 - 10 xunetu 1934 ← Karl Buresch - Stephan Tauschitz →
20 mayu 1932 - 25 xunetu 1934 ← Karl Buresch - Kurt Schuschnigg → | |||||
| Vida | |||||
| Nacimientu |
Texingtal  , 14 d'ochobre de 1892 | ||||
| Nacionalidá |
 Austria | ||||
| Fallecimientu |
Viena, 25 de xunetu de 1934 (41 años) | ||||
| Sepultura |
Hietzing Cemetery | ||||
| Causa de la muerte | mancada por arma de fueu | ||||
| Familia | |||||
| Casáu/ada con | Alwine Dollfuß | ||||
| Fíos/es |
ver
| ||||
| Estudios | |||||
| Estudios | Universidá de Viena | ||||
| Llingües | alemán | ||||
| Oficiu | |||||
| Oficiu | políticu, diplomáticu, abogáu y militar | ||||
| Emplegadores |
Gobierno federal austríaco | ||||
| Premios | |||||
| Serviciu militar | |||||
| Lluchó en | Primer Guerra Mundial | ||||
| Creencies | |||||
| Relixón | catolicismu | ||||
| Partíu políticu |
Partido Socialcristiano | ||||
| |||||
Engelbert Dollfuss o Dollfuß (14 d'ochobre de 1892, Texingtal - 25 de xunetu de 1934, Viena) foi un políticu austriacu d'ideoloxía socialcristiana, espertu en cuestiones agraries, ministru d'Agricultura en dellos Gobiernos d'empiezos de la década de 1930 y canciller ente 1932 y 1934. Eslleió la Cortes democrátiques y gobernó por decretu. Morrió asesináu por miembros del partíu nazi austriacu.
Nació como fíu ilexítimu d'un xornaleru en 1892.[1] Criáu nun ambiente llabrador católicu y tradicional, recibió depués enseñanza secundaria nun centru relixosu que reforzó les sos fondes creencies católiques.[1] Estudió na Universidá de Viena, onde se xunió a una organización católica.[1] Combatió na Primer Guerra Mundial, nel frente italianu, y recibió diverses condecoraciones.[1] Na posguerra, completó los estudios universitarios y quedó bien influyíu pol pensamientu conservador Othmar Spann.[1] Pasó depués un añu n'Alemaña, estudiando'l funcionamientu de les cooperatives agraries; aplicó depués esta conocencia a partir de 1922, cuando trabayó na cámara agraria de la Baxa Austria.[1] Porteriormente, dirixó la empresa estatal de ferrocarriles, el so primer cargu nacional.[2]
Socialcristiano, tenía escasos venceyos col partíu: más qu'un políticu tradicional Dollfuss yera un distinguíu espertu en cuestiones agraries, bien llaboriegu y con un calter abiertu que-y facilitaba'l tratu con políticos d'otres formaciones.[3] La so falta d'esperiencia previa na política nacional consideróse una ventaya: podía dexa-y forxar una alianza de partíos pa sostener el Gobiernu.[3]
Asumió la presidencia del Gobiernu en mayu de 1932, al mandu de una inestable coalición de socialcristianos, agrarios y fascistes de la Heimwehr, qu'apenes cuntaba con un escañu de ventaya frente la oposición nes Cortes.[4] Consideráu hasta 1933 unu de los dirixentes más moderaos y dispuestos a apautar cola oposición socialista, acabó siendo'l políticu qu'acabó col sistema parllamentariu democráticu surdíu mientres la posguerra.[4] En marzu de 1933, eslleió la Cámara Baxa y empezó a gobernar por decretu.[5] Figura bien revesosa inclusive ente los especialistes, presidió una inestable lliga de fascistes, elementos autoritarios y otros democráticos.[1] Los sos continuos intentos d'algamar un alcuerdu colos nacionalsocialistes, meta na que competía colos sos socios de gobiernu de la Heimwehr, resultaron a lo postrero infructuosos.[6]
Tuvo qu'enfrentase al peor momentu de la Gran Depresión n'Austria y llogró ameyorar abondo la situación económica.[6]
En mayu de 1934, promulgó una nueva Constitución que marcó l'empiezu oficial d'un réxime autoritariu conocíu como «austrofascismo».[5] Morrió asesináu'l 25 de xunetu de 1934 de 1934, mientres el fallíu intentu de golpe d'Estáu nacionalsocialista; asocedió-y al frente de Gobiernu'l so ministru de Xusticia, Kurt von Schuschnigg.[4]
Referencies[editar | editar la fonte]
- ↑ 1,0 1,1 1,2 1,3 1,4 1,5 1,6 Miller, James William (1985) (n'inglés, pdf). Engelbert Dollfuss and Austrian Agriculture : An authoritarian Democrat and his policies. University of Minnesota. 638323462 OCLC.
- ↑ (1961) Dollfuss (n'inglés). Macmillan. 1690703.
- ↑ 3,0 3,1 Rath, R. John (1998). «fromPage=online&aid=3270816 The Dollfuß Ministry: The Democratic Prelude». Austrian History Yearbook 29 (1): pp. 161-194. http://journals.cambridge.org/action/displayAbstract? fromPage=online&aid=3270816.
- ↑ 4,0 4,1 4,2 (2003) The Dollfuss/Schuschnigg Era in Austria: A Reassessment (n'inglés). Transaction Publishers. ISBN 9781412821896.
- ↑ 5,0 5,1 (2011) Pan-Germanism and the Austrofascist state, 1933–38 (n'inglés). Manchester University Press. ISBN 978-0-7190-7967-2.
- ↑ 6,0 6,1 (1978) The Heimwehr and Austrian politics, 1918-1936 (n'inglés). University of Georgia Press. ISBN 9780820304373.
| Control d'autoridaes |
|
|---|
Datos: Q11734
Multimedia: Engelbert Dollfuß
