Elena Huelva Palomo

De Wikipedia
Elena Huelva PalomoPicto infobox character.png
Vida
Nacimientu Sevilla[1]21 de mayu de 2002[2]
Nacionalidá Flag of Spain.svg España
Llingua materna castellanu
Muerte Sevilla[3]3 de xineru de 2023[4] (20 años)
Sepultura ensin valor
Causa de la muerte sarcoma d'Ewing[5]
Estudios
Llingües falaes castellanu
Oficiu activista de la salud (es) Traducir, influencerescritora
Trabayos destacaos Mis ganas ganan
Premios
Cambiar los datos en Wikidata

Elena Huelva Palomo (21 de mayu de 2002Sevilla – 3 de xineru de 2023Sevilla) foi una activista española pola llucha contra'l cáncanu, paciente de sarcoma d'Ewing conocida por sopelexar al traviés de les redes sociales la enfermedá que carecía, y ayudar asina a otros cola mesma enfermedá. Tamién promovió una mayor investigación del cáncanu y acuñó la frase «Mis ganas ganan» (n'asturianu: «Les mios ganes ganen») para describir la so actitú énte la enfermedá.

Biografía[editar | editar la fonte]

Elena Huelva nació'l 21 de mayu de 2002 na ciudá de Sevilla, siendo la segunda fía de Manuel Huelva y Emilia Palomo. En 2019, a los dieciséis años d'edá, foi diagnosticada sarcoma d'Ewing, momentu a partir del cual empezó a sopelexar diariamente nes redes sociales información sobre esti tipu de cáncer, según el so día ente día cola enfermedá.

Dende 2019, collaboró con múltiples organizaciones ensin ánimu d'arriquecimientu rellacionaes col cáncer. En 2022 escribió'l llibru Mis ganas ganan onde cuntó la so esperiencia cola enfermedá.

N'avientu de 2022 diseñó un pañuelu pal xuguete denomináu "Baby Pelón", vendíu pola Fundación Juegaterapia coles mires de recaldar fondos pa la investigación del sarcoma d'Ewing. Pa llevar a cabu dicha recaldación, la Fundación Juegaterapia creo la "Beca Elena Huelva" xuntu al Grupu Español d'Investigación en Sarcomes (GEIS).

Elena Huelva finó'l 3 de xineru de 2023 tres un empeoramientu de la so enfermedá. La so muerte causó una folada de reaiciones nes redes sociales, incluyendo condolencias de munches figures públiques, dende'l planu de la política, como'l Presidente de la Xunta d'Andalucía Juanma Moreno, hasta'l mundu del espectáculu, los medios de comunicación y entidaes deportives como'l Real Betis Balompié.

Un día dempués de la so muerte, el 4 de xineru de 2023, celebróse un responsu al qu'asistieron delles personalidaes públiques como la presentadora de televisión Sara Carbonero o'l cineasta Alberto Rodríguez Librero, y finalmente, tres dichu actu, foi incinerada nel crematoriu de Camas (Sevilla).

Referencies[editar | editar la fonte]

Enllaces esternos[editar | editar la fonte]