El milagru de 1511
El milagru de 1511 (neerlandés: De sneeuwpoppen van 1511) foi un festival en Bruxeles nel que los habitantes construyeron aprosimao 110 moñecos de nieve satíricos. Estímase que más de la metá de los moñecos de nieve representaben personaxes pornográficos o sexuales.[1] Dalgunos exemplos de moñecos de nieve construyíos fueron una monxa de nieve que seducía a un home, un moñecu de nieve y una muyer de nieve teniendo sexu frente a la fonte de la ciudá y un moñecu de nieve desnudu mexando na boca d'otru moñecu de nieve borrachu. Tamién había unicornios de nieve, serenes de nieve, un dentista de nieve y prostitutes de nieve qu'atrayíen a la xente al barriu coloráu de la ciudá.[2] Ente los moñecos de nieve políticos creaos atopábase "una virxe de les nieves con un unicorniu nel so cuellu", que se construyó frente al palaciu ducal en Coudenberg, la casa del emperador del Sacru Imperiu Romanu Xermánicu Carlos V. Esto foi en protesta pola so ausencia y por tar viviendo cola so tía Margarita d'Austria en Malines.[3]
Antes del "milagru", hubo seis selmanes de clima fríu. Combináu con un crecimientu demográficu bien grande y una gran discrepancia de riqueza ente los llabradores y la gobernante d'Habsburgu, los habitantes decidieron utilizar los moñecos de nieve como forma de protesta. Caúna de les distintes clases socioeconómiques construyó distintos tipos de moñecos de nieve. Como resultáu, los probes destruyiríen los moñecos de nieve fechos poles clases dominantes.[2] Finalmente, el milagru concluyó cuando la nieve se dilióse a la templada primavera siguiente, lo que provocó hinchentes en Bruxeles. Más tarde esi mes, cuando s'acabó l'agua, el rei de Francia donó 1000 monedes d'oru a la ciudá.[3]
El poeta holandés Jan Smeken escribió sobre'l milagru nel so poema "Dwonder van claren ijse en snee" (El milagru del xelu y la nieve puro).[4]
Referencies[editar | editar la fonte]
- ↑ Eckstein, Bob (2018-12-13). «The Raunchy, Comical, Political Snowman Invasion of 1511».
- ↑ 2,0 2,1 Harkin, James (30 October 2015). «No Such Thing as a Fish: Episode 85 – No Such Thing As Michaelangelo's Snowman».
- ↑ 3,0 3,1 Eckstein, Bob (2007). The History of the Snowman: From the Ice Age to the Flea Market, páx. 123–124. ISBN 978-1-4169-4066-1.
- ↑ Pleij, Herman (1990). «Urban Elites in Search of a Culture: The Brussels Snow Festival of 1511». New Literary History 21 (3): páxs. 629–647. doi:.
Enllaces esternos[editar | editar la fonte]
| Control d'autoridaes |
|
|---|
Datos: Q24969549