El Rebollal (comarca)

Coordenaes: 40°22′56″N 6°37′34″W / 40.3821°N 6.6261°O / 40.3821; -6.6261
De Wikipedia
El Rebollal (comarca)
Situación
País España
Autonomía Castiella y Lleón
Provincia provincia de Salamanca
Tipu subcomarca (es) Traducir
Coordenaes 40°22′56″N 6°37′34″W / 40.3821°N 6.6261°O / 40.3821; -6.6261
El Rebollal (comarca) alcuéntrase n'España
El Rebollal (comarca)
El Rebollal (comarca)
El Rebollal (comarca) (España)
Datos
Superficie 302,43 km²
Población 1941
Cambiar los datos en Wikidata

El Rebollal ye una fastera histórico-tradicional española allugada nel postreru suroeste de la provincia de Salamanca, n'antigua Rexón de Lleón, güei la comunidá de Castiella y Lleón. Llenda con Portugal al oeste, Campo de Robledo al norte, Campo de Agadones al este y Estremadura al sur.[1]

Etimoloxía[editar | editar la fonte]

El nome d'esta comarca remanez del rebollu (Quercus pyrenaica), árbole mui abondosa nesta tierra. Trátase namái d'una denomación histórica, dao qu'oficialmente nun esisten divisiones comarcales nesta provincia.

Conceyos[editar | editar la fonte]

Demografía[editar | editar la fonte]

Con una estensión de 301,79 km² poseye, a 1 de xineru de 2006, una población de 2.300 habitantes, anque la tendencia poblacional alcuéntrase en retrocesu (a 1 de xineru de 2001 na comarca vivíen 2.606 habitantes, colo qu'en 5 años la población amenorgó en 300 persones).

Cultura tradicional[editar | editar la fonte]

Falaxe[editar | editar la fonte]

La pecuñar "palra d'El Rebollal", trátase d'una variedá d'asturllionés enmarcada dientro l'altoestremeñu y qu'entá catienen alrodiu d'unes 4.000 persones (ente la xente que vive na comarca y emigrao). Sobro dicha variedá del altoestremeñu son d'obligada consulta los trabayos del maestru Ángel Iglesias Ovejero ("El habla de El Rebollar. Descripción" y "El habla de El Rebollar. Léxico"), José Alonso Pascual ("Robleda. Cronica y descripción del lugar") y José Benito Mateos Pascual ("Breve descripción de Peñaparda"). Nel añu 2003 aprució'l primer númberu de la revista lletrónica La Gurulla y nel añu 2004 el primer llibru lliterariu escritu en dicha variedá llingüística: "El corral los mis agüelus".

Música[editar | editar la fonte]

Nun podemos escaecer tampoco otru de los elementos singulares de la comarca, como ye'l panderu cuadráu de Peñaparda, que ye de tañíu poles muyeres tocándolu con un tolete semeyante a les qu'empleguen los tamborileros, xeitu ésti de tocar que ye únicu, pos en denguna otra llocalidá de la Península tócase d'esta manera dichu estrumentu.

Danza[editar | editar la fonte]

Esisten multitú de bailles singulares dientro del folklore de la provincia de Salamanca como el fandangu, el son, la xota de dos pasus o l'ofretoriu (toos ellos de Robrea), los aḥechaus, saltiaus, corríus y brincaus y l'ofretoriu (toos ellos de Peñaparda) o la charrá primera, charrá segunda, repicoteáu y el fandangu de Payu.

Referencies[editar | editar la fonte]

  1. Llorente Maldonado, Antonio (1976). «Les comarques hestóriques y actuales de la provincia de Salamanca». Centru d'Estudios Salamanquinos.

Enllaces esternos[editar | editar la fonte]