Eetionea

Eetionea
	cabu
Llocalización
País	Grecia
Rexón	Ática (es)
Unidaes perifériques	Unidá periférica d'El Pireo
Municipio (es)	Piraeus Municipality (en)
Gran ciudá	El Piréu
Coordenaes	37°56′54″N 23°38′12″E / 37.94833°N 23.63653°ECoordenaes: 37°56′54″N 23°38′12″E / 37.94833°N 23.63653°E
	Eetionea Eetionea (Grecia)

Eetionea (griegu Ἠετιώνεια) yera una llingua de tierra asitiada al norte de la embocadura del antiguu puertu del Pireo d'Atenes,^[1] enfrente del cabu Alkimos. Los barcos qu'entraben nel Pireo atopábense'l muelle de Eetionea a babor y el cabu Alkimos a estribor.^[2]

El muelle de Eetionea foi fortificáu y conectáu colos Murios Llargos, alzaos por Temístocles pa defender Atenes.

Nes etapes finales de la guerra del Peloponeso, foi escoyíu'l muelle de Eetionea pola Boulé de Los Cuatrocientos pa llevantar una fortificación, que foi tomada por Terámenes por medrana a que pudiera apurrise a los espartanos.^[3]

Les fortificaciones del muelle de Eetionea inda sobreviven güei, en bon estáu, delles ruines formen parte del sitiu arqueolóxicu del Pireo.

Construcción y baltadera de la fortificación de Eetionea[editar | editar la fonte]

Nel 410 e.C., nes etapes finales de la guerra del Peloponeso, la facción radical del gobiernu de Los Cuatrocientos, nel poder nesi momentu, empezó a construyir una fortificación en Eetionea, onde concentró en grandes cantidaes de productos alimenticios.^[4]

Terámenes, unu de los líderes de la facción moderada, protestaron na xunta contra la construcción d'esta fortificación, argumentando que fuera preparáu pa ser apurrida a los espartanos cuando llegaren cerca del puertu y, a la cabeza d'un plelotón de soldaos, dir al Pireo ordenando la baltadera.^[3]