Drop

1) Jonny Wilkinson dexa cayer el balón, esti toca'l suelu..

2) Y darréu (namás rebota y empieza a xubir), patéalu executando'l drop.

Un drop o gol de drop (drop goal n'inglés) ye un métodu pa marcar puntos nel Rugbi. Consiste en qu'un xugador suelta'l balón pa qu'esti rebote llevemente nel suelu y darréu gólpialu col pie y en dirección a la H. Si'l balón traviesa la H percima del so travesal, convierte un drop y suma 3 puntos pal so equipu.

Historia

Por cuenta de la dificultá del movimientu y la poca efectividá pola imperfección del balón de rugbi nuna dómina anterior, el gol de drop valió 4 (cuatro) puntos hasta 1948. Anguaño distintos especialistes del rugbi suxeren amenorgar a 2 puntos el so valor pero nunca s'aldericó oficialmente na World Rugby.

Gol de mark

Hasta 1978 esistió nel deporte, el gol de mark, au la oportunidá de marcar puntos consistía en facer un drop dientro de les 22 del xugador que cantara'l mark. Yera un drop a 72 metros del in–goal y por tala dificultá usóse en bien poques ocasiones y entá menor foi la so efectividá, por tales motivos la World Rugby erradicó'l gol de mark de les regles del xuegu.

Estadístiques y drops memorables

El siguiente ye un llistáu colos máximos anotadores de drops en test matches. Na Copa del Mundu de Rugbi varios partíos importantes definiéronse por drop:

Andrew venga al XV de la Rosa

En cuartos de final de la Copa Mundial de Rugbi de 1995 repitióse la final de 1991 y los Wallabies yeren favoritos énte los ingleses, pero'l zurdu Rob Andrew ganó'l partíu pa los europeos con un sublime drop a 40 metros del in–goal y cola so pierna derecha.

Stranky xunifica a la nueva Suráfrica

Na final de Suráfrica 1995 los llocales buscaben el so primer títulu escontra los All Blacks de Jonah Lomu, los neozelandeses afararon en tol tornéu y yeren favoritos 3 a 1, sicasí nun pudieron perpasar a los sudafricanos que forzaron el partíu a tiempu estra. Un drop de Joel Stransky definió l'alcuentru 15–12 y Nelson Mandela apurrió la Copa Webb Ellis a los sos compatriotes.

De Beer entartalla a Inglaterra

En cuartos de final de la Copa Mundial de Rugbi de 1999 enfrentáronse los Springboks y el XV de la Rosa, un imparable Jannie de Beer anotó cinco drops pal trunfu de los sudafricanos.

Larkham quebra a los Springboks

En semifinales de Gales 1999 Springboks y Wallabies buscaben el pase a la final. A Stephen Larkham, mancáu d'una rodía y con problemes de visión, escapóse-y el balón a 48 metros del in–goal ya intentó un drop que llogró: los australianos punxéronse enriba nel marcador, llevantaron la so moral ente que la de los sudafricanos cayó y a la fin ganaron el partíu.

Wilkinson proclama campeón del Mundu a Inglaterra

Depués d'un empate a 17 tres 100 minutos de xuegu; en muerte súbita y a puntu de definir la Copa Mundial de Rugbi de 2003 por penaltis, Jonny Wilkinson siendo maniegu marcó'l drop cola so pierna derecha que coronó campeona a Inglaterra.

Enllaces esternos

• Datos: Q2298409