Domo de llava

De Wikipedia
Saltar a navegación Saltar a la gueta
Unu de los Monu Craters, un exemplu d'un domo de riolita.

En vulcanoloxía, un domo de llava o domo tapón ye un montículo aproximao circular que s'anicia nuna erupción lenta de llava mafosa d'un volcán. La mafa, o adherencia, de la llava nun dexa que la llava fluya demasiáu llueñe de la so chimenea antes de solidificarse. Los domos pueden algamar altores de dellos cientos de metros, y pueden crecer amodo y en forma continua per meses o entá años. Los llaos d'estes estructures tán formaos de cachos inestables de roca. Por cuenta de la posibilidá d'acumuladura de presión de gas, el domo puede a lo llargo de la so historia sufrir erupciones esplosives. Cuando una parte d'un domo de llava colapsa cuando entá contién roca fundida y gases, puede producir un fluxu piroclástico, que ye una de les formes más letales d'incidentes volcánicos. Otros peligros rellacionaos colos domos de llava son la destrucción de propiedaes, quemes forestales, y lahars empecipiaos por fluxos piroclásticos en proximidaes de zones de nieve o xelu. Los domos de llava son unu de les principales traces d'estratovolcanes en tol mundu.

Domo de riolita nel Novarupta nel Parque nacional y Reserva Katmai, Alaska. Foi l'eventu inicial d'una gran erupción en 1912, que causó'l colapsu del cume del Katmai nes proximidaes y que creó'l Valle de los diez mil humareda.
Domos de llava nel cráter del monte Santa Helena.

Dalgunos de los domos de llava más activos del mundu inclúin los allugaos nel monte Merapi na zona central de Java n'Indonesia, Soufriere Hills en Montserrat, y el monte Santa Helena en Washington. Lassen Peak nel norte de California, ye unu de los mayores domos de llava del mundu y estrémase por ser l'únicu volcán del cordal Cascade amás del monte Santa Helena que fizo erupción (19141921) nel sieglu XX.

Los domos pueden construyise nel interior del volcán ensin llegar a remanecer, y nesi casu pueden aprucir col pasu del tiempu por cuenta de la so resistencia a la erosión, formando entós aguyes predreses que destaquen nel paisaxe y qu'en munches rexones hispanofalantes reciben el nome de "pitón" o "roque".

Referencies[editar | editar la fonte]

Enllaces esternos[editar | editar la fonte]