Delta Delphini

De Wikipedia
Saltar a navegación Saltar a la gueta
Delta Delphini
Delta Delphini A/B
Constelación Delphinus
Ascensión reuta α 20h 43min 27,55s
Declinación δ +15º 04’ 28,9’’
Distancia 203 años lluz
Magnitú visual +4,43 (conxunta)
Magnitú absoluta +0,45 (conxunta)
Lluminosidá 25,5 / 25,5 soles
Temperatura 7000 / 7000 K
Masa 2 / 2 soles (aprox)
Radiu 3,4 / 3,4 soles (aprox)
Tipu espectral F0IV / F0IV
Velocidá radial +9,3 km/s

Delta Delphini (δ Del / 11 Delphini / HD 197461)[1] ye una estrella na constelación de Delphinus, la quinta más brillosa de la mesma con magnitú aparente +4,43. Alcuéntrase a 203 años lluz de distancia del Sistema Solar.

Delta Delphini ye una estrella binaria cercana que la so duplicidá namái foi conocida por espectroscopia. Dambes estrelles paecen ser idéntiques y completen una órbita cada 40,58 díes, lo que correspuende a una separación real ente elles de 0,37 UA. Clasificada oficialmente como xigante de tipu espectral A7III, la so temperatura escepcionalmente baxa de 7000 K afaise más a una estrella subxigante de tipu F0. La diferencia puede debese al so baxu conteníu en metales.[2]

La lluminosidá de caúna de les estrelles —que puede ser bien asemeyada— ye del orde de 25,5 soles, lo que trai un radiu de 3,4 radios solares y una masa de 2 mases solares pa caúna.[2]

Dambes estrelles paecen ser estrelles variables. Una d'elles ye una variable Delta Scuti con variaciones de 0,1 magnitúes en múltiples periodu de 0,156, 0,136 y 0,153 díes. La otra paez tener un únicu periodu de variación.[2]

Referencies[editar | editar la fonte]