David Conrad

De Wikipedia
Saltar a navegación Saltar a la gueta
David Conrad
David Conrad35mm film frames.svg
Vida
Nome completu David Crawford Conrad
Nacimientu

Pittsburgh17  d'agostu de 1967

(52 años)
Nacionalidá Bandera de Estaos Xuníos d'América Estaos Xuníos
Estudios
Estudios Universidá Brown
Juilliard School
Oficiu
Oficiu actor de televisión, actor de cine y actor de teatru
IMDb nm0175633
Cambiar los datos en Wikidata

David Crawford Conrad (17  d'agostu de 1967Pittsburgh) ye un actor d'Estaos Xuníos. Nació y crióse en Pittsburgh, Pennsylvania, EE. XX.. Empezó la so carrera como actor en 1994. Hasta 2010 foi'l protagonista de la serie de televisión Ghost Whisperer xunto a Jennifer Love Hewitt.

Biografía[editar | editar la fonte]

Ye fíu del inxenieru Jim Conrad y la bibliotecaria Margaret Conrad. Cursó los sos estudios universitarios na universidá de Brown. Participó en diverses obres de teatru en Broadway ente elles la de Henry V. Dempués d'apaecer na que sería la so primer apaición cinematográfica (la película "Darkness" en 1993), foi escoyíu en 1996 pa la serie de la ABC "Relavity". La serie nun tuvo l'audiencia esperada y foi atayada. Una de les protagonistes de la serie yera Lisa Edelstein (Lisa Cuddy en "House"). Pero la serie foi un fracasu y namái duru 17 episodios. Esi mesmu añu, vendría'l telefilme "Under Heart", nel que yera Simon. Protagonizó en 1997 el telefilme "Blancanieves: una hestoria de terror", con Sigourney Weaver, Sam Neill y Gil Bellows (Billy de "Ally McBeal"). Apaeció en "Return to Paradise", una película de 1998 protagonizada por Anne Heche, Vince Vaughn y Joaquín Phoenix. Esi mesmu añu interpreta la obra The Deep Blue Sea, de Terence Rattigan sobre los escenarios de Broadway. En 1999, protagonizó xunto a Gena Rowlands y Brooke Shields "The Weekend". Otru telefilme más na so carrera foi'l protagonizáu nesi mesmu añu al pie de Carla Gugino y Laura Dern llamada "A Season for Miracles". Nel añu 2000 apaeció na película "Homes d'Honor" xunto a Robert De Niro y Cuba Gooding Jr.

Esi mesmu añu, apaeció en 5 capítulos de la primer temporada de "Roswell", serie qu'emitió la WB y qu'anguaño repon la cadena por cable SciFi n'USA, ente que n'España puede ve-y en FOX. En 2002 protagonizó'l telefilme "The Time Tunnel". En 2003 alzaría la so carrera: apaeció en "Anything Else", de Woody Allen, xunto a Christina Ricci y Jason Biggs; nel telefilme "L.A. Confidential" xunto a Kiefer Sutherland y apaeció en 7 episodios de "Miss Match", serie de la NBC que foi atayada en 3 meses. "Beck and Call" foi otru telefilme qu'en 2004 protagonizó y nel que tamién apaecía Vanessa Williams (anguaño en "Ugly Betty"). En 2005 algamó la so gran etapa profesional: apaeció nun capítulu del show de moda: "House", protagonizó tres film ("Wedding Crashers", "Dumpster" y "Crazy", estrenáu en 2006) y foi escoyíu pa interpretar al home de Jennifer Love Hewitt na serie de la CBS Ghost Whisperer. Dende l'añu 2005 hasta l'añu 2010 participó nesta serie interpretando a Jim Clancy, un home bien paciente cola so esposa, Melinda Gordon, una muyer que puede comunicase colos espíritos.

Filmografía[editar | editar la fonte]

Intereses[editar | editar la fonte]

  • David refugó un papel en “Deep Impact” y en “Boogie Nights”, porque quería concentrase nel teatru.
  • Na producción de “Henry IV” en 2005, zarapicó y rompióse un güesu de la mano mientres faía la so entrada n'escena.
  • Nel añu 2006 foi nomáu como l'home más sexy de la televisión por TV Guide.

Enllaces esternos[editar | editar la fonte]