Dala Hood

De Wikipedia
Saltar a navegación Saltar a la gueta
Darla Hood
Dala Hood35mm film frames.svg
Ogfolliesof38.jpg
Vida
Nacimientu Leedey (Oklahoma) Traducir8  de payares de 1931
Nacionalidá Bandera de Estaos Xuníos d'América Estaos Xuníos
Fallecimientu

North Hollywood13  de xunu de 1979

(47 años)
Sepultura Hollywood Forever Cemetery Traducir
Causa de la muerte Hepatitis
Estudios
Estudios Escuela Preparatoria Fairfax Traducir
Oficiu
Oficiu actriz de voz y actriz de cine
IMDb nm0393454
Cambiar los datos en Wikidata

Dala Hood (4 de payares de 193113 de xunu de 1979) foi una actriz infantil estauxunidense, conocida principalmente por interpretar el primer papel femenín na serie de comedies La Peada ente 1935 y 1941.

La Peada[editar | editar la fonte]

El so nome completu yera Dala Jean Hood, y nació en Leedey, Oklahoma. Yera fía única de James Claude Hood, emplegáu d'un bancu, y Elizabeth Davner, profesora de música.

La so madre fixo qu'empezara a cantar y baillar a una edá temprana, llevándola a clases en Oklahoma City. Poco dempués de cumplir los trés años d'edá foi llevada a Nueva York, onde foi afayada por Joe Rivkin, un direutor de repartu de los Estudios Hal Roach, que dispunxo una prueba de cámara. Tres ella foi llevada a Culver City (California), onde actuó nes producciones de La Peada.

Hood interpretó a Dala en La Peada, debutando en 1935, a los cuatro años d'edá, nel filme Our Gang Follies of 1936. Tres esta producción intervieno en The Bohemian Girl, un títulu d'El gordu y el flacu. Ente 1935 y 1941 actuó en La Peada, siendo recordada pol so calter coqueto y por ser la namorada d'Alfalfa, Butch, o (usualmente) Waldo. Unu de los sos meyores momentos llegó cantándo-y "I'm in the Mood for Love" en The Pinch Singer.

Tres La Peada[editar | editar la fonte]

Cuando se fixo mayor pal so papel en La Peada, Hood actuó nun par d'otres películes, amás d'estudiar en Los Angeles, California. Mientres taba na Fairfax High School de dicha ciudá, entamó al pie de cuatro mochachos un grupu vocal llamáu los Enchanters. Poco dempués de graduase, el grupu foi contratáu por Ken Murray p'actuar nos sos shows de variedaes, los famosos "Blackouts". El grupu permaneció nos Blackouts de Murray a lo llargo de les sos representaciones en Nueva York y Hollywood, California.

Hood dempués siguió cantando en nightclubs y como artista convidada en televisión. Trabayó con regularidá en The Ken Murray Show ente 1950 y 1951. En 1955 yera'l personaxe femenín principal del númberu del ventrílocuu Edgar Bergen. Consiguió un ésitu en 1957 col cantar "I Just Wanna Be Free", y actuó nel filme Calypso Heat Wave (1957), nel que cantaba xunto a Johnny Desmond. Tamién grabó dos canciones cola Ray Whitaker Orchestra, "Only Yours" y "Silent Island", pal sellu RayNote Records.

En xineru de 1959 Hood llanzó una nueva grabación, Quiet Village. Joe Rivkin, el so descubridor, supo d'ella pol discu, y escoyer pa interpretar el que sería'l so últimu papel cinematográficu, y el primeru como muyer adulta. Foi una secretaria nel filme de suspense The Bat, con Vincent Price y Agnes Moorehead.

Hood intervieno nos primeros años sesenta comos artista convidada en shows televisivos como You Bet Your Life y The Jack Benny Program. Amás cantó y dio voz a comerciales televisivos, ente ellos los de les marques Campbell Soup Company y Chicken of the Sea. Siguió cantando nel ambiente nightclub con un númberu propiu, trabayando nos locales Coconut Grove de Los Angeles, Copacabana de Nueva York, y Sahara Hotel and Casino de Las Vegas, Nevada.

Aparte la so actividá interpretativa, nes décades de 1960 y 1970 Hood allegó a munchos festivales y convenciones de Our Gang/Little Rascals, axuntándose y saludando a delles xeneraciones d'almiradores.

Fallecimientu[editar | editar la fonte]

Hood taba n'entamando una xunta sobre los Little Rascals prevista pa 1980 en Los Angeles cuando hubo de sometese a una intervención quirúrxica relativamente menor nun hospital de North Hollywood. Tres la operación Hood contraxo una hepatitis aguda y finó sópitamente por causa de un fallu cardiacu'l 13 de xunu de 1979. Les circunstancies de la so muerte nun se conocieron totalmente.[1] Tenía 47 años d'edá.

Dala Hood foi soterrada nel Campusantu Hollywood Forever de Hollywood, California.

Vida personal[editar | editar la fonte]

Hood tuvo dos homes, l'axente de seguros Robert W. Decker (1949 a 1957), y l'executivu d'una compañía discográfica Jose Granson (casaos en 1957). Con Granson tuvo tres fíos. Tommy "Butch" Bond mentaba que'l matrimoniu de Hood con Granson fuera difícil pos esti postreru habíase vistu confináu a una siella de ruedes en sufriendo un accidente cerebrovascular.[2]

Referencies[editar | editar la fonte]

  1. imdb.com bio
  2. Bond, Tommy and Genini, Ron (1994). Darn Right It's Butch: Memories of Our Gang/The Little Rascals, p. 71; Delaware: Morgan Press. ISBN 0-9630976-5-2

Enllaces esternos[editar | editar la fonte]