Día Internacional de la Muyer

De Wikipedia
Celebración del Día Internacional de la Muyer en Barcelona (2009).

El Día Internacional de la Muyer Trabayadora (o tamién Día Internacional de la Muyer) celebrase'l día 8 de marzu y ta reconocíu pola Organización de les Naciones Xuníes (ONX). Nesti día conmemorase la llucha de la muyer pola so participación, en pie d'igualdá col home, na sociedá y nel so desarrollu integru comu persona. Ye fiesta nacional n'algunos países.

La idea d'un día internacional de la muyer surxó al final del sieglu XIX, na revolución industrial y durante'l momentu de mayor intensidá del movimientu obreru. La celebración recoxe una llucha ya entamada n'antigua Grecia por Lisístrata, quien entamó una fuelga sexual escontra los homes pa poner fin a la guerra, y que se vio reflexada na Revolución francesa: les muyeres parisienses, que pidíen "llibertá, igualdá y fraternidá", marcharon facia Versalles pa esixir el sufraxu femenín, pero nun foi hasta los primeros años del sieglu XX cuando s'entamó aproclamar, dende diferentes organizaciones internacionales d'esquierda, la celebración de una xornada de llucha específica pa la muyer y los sos derechos.

Referencies[editar | editar la fonte]

Enllaces esternos[editar | editar la fonte]