Curly Joe DeRita

De Wikipedia
Saltar a navegación Saltar a la gueta
Curly Joe DeRita
Curly Joe DeRita
Vida
Nome completu Joseph Wardell
Nacimientu Filadelfia12  de xunetu de 1909
Nacionalidá Bandera de Estaos Xuníos d'América Estaos Xuníos
Fallecimientu

Woodland Hills3  de xunetu de 1993

(83 años)
Sepultura Valhalla Memorial Park Cemetery Traducir
Causa de la muerte Neumonía
Oficiu
Oficiu comediante, actor de televisión, actor de cine y actor de voz
Alcuñu/os Joe DeRita
IMDb nm0220388
www.threestooges.net/cast/actor/492
Cambiar los datos en Wikidata

Curly Joe DeRita (tamién escritu Curly-Joe DeRita), nacíu como Joseph Wardell (* Filadelfia, 12 de xunetu de 1909 - † Woodland Hills, 3 de xunetu de 1993) foi'l postreru integrante n'ocupar el llugar de tercer chiflado dientro del grupu Los Trés Chiflados.

Biografía[editar | editar la fonte]

D'ancestros francu-canadienses ya ingleses, ye l'únicu de los Chiflados en venir d'una familia del espectáculu. La so madre, Florenz DeRita, foi una baillarina y el so padre, Frank Wardell, foi un técnicu d'escenariu.

Dende los siete años, Joe acompañó a los sos padres nos viaxes, diendo con ellos de teatru en teatru per tol país. "Teníamos un actu pequeñu, nunca actuamos nos grandes circuitos."

Entós, mientres siete temporaes, Joe fixo un papel destacáu nuna obra teatral cola so madre y el so padre. Pa la edá de dieciocho, cola so madre retirada y la so hermana casada, Joe decidió faer un solu de comedia nel cual cantó y bailló. Como DeRita recuerda: "Orixinalmente empecé como baillarín porque la mio madre yera baillarina. Entós entré al burlesque en 1921 porque'l vodevil habíase alloriáu. A lo menos el mio tipu de vodevil habíase alloriáu. Nunca trabayé con material bien xubíu de tonu."

Joe siguió actuando nel burlesque hasta 1942, dempués del cual foise a California pa encabezar un show nel teatru Music Box de Hollywood. Les sos repercusiones fueron tan bones que MGM ufiertó-y contratu. El so verdaderu debú, sicasí, foi en The Doughgirls (1944) con Ann Sheridan para Warner Bros. Mientres esti periodu de la so carrera fixo otros dos películes, The Sailor Takes a Wife (MGM, 1945) y People Are Funny (Paramount, 1946). En 1946 protagonizó una serie de curtios para Columbia: fixo cuatro en total.

Mientres la Segunda Guerra Mundial, Joe empezó a actuar pa les tropes americanes, percorriendo'l Pacíficu Sur col so amigu Randolph Scott como'l so home seriu nel show. Fixo delles presentaciones, diendo al estranxeru con Bing Crosby pa entretener a los homes en serviciu n'Inglaterra y Francia, esta vegada con Crosby como'l so home seriu. Dempués de tornar a América, Joe actuó nel Hollywood Casín en Los Angeles y fixo apaiciones convidaes en dos shows de radiu con Crosby, Philco Hall of Fame y Cavalcade of America. Antes de xunise a los Chiflados en 1958, fixo un papel destacáu como'l verdugu falsu en The Bravados para 20th Century-Fox, que protagonizó Gregory Peck. DeRita tamién fixo apaiciones convidaes en shows de televisión como The Desilu Playhouse, This Is Alice, y Bachelor Father.

Hasta esti puntu, el nome de Joe DeRita taba llueñe de ser familiar. Foi la so asociación de 12 años con Los Trés Chiflados que lo catapultó al estrellalgu. Como'l direutor Norman Maurer esplica, "Foi'l meyor reemplazu de Curly que los Chiflados dalguna vegada tuvieron. Joe yera bonu n'improvisar. Yera como Curly en dellos aspeutos, cola so gracia de ballet a pesar del so pesu. Podía faer coses -non como Curly- pero casi tan gracioses, y foi malo de creer qu'un tipu tan grande podía faelo."

Nel set, sicasí, hubo vegaes que Curly-Joe tuvo malos díes. "De xemes en cuando Joe yera temperamental, pero foi una cosa pasaxera." Maurer recuerda. "Na mayoría de los casos, Joe foi un bon rapazu y tuvo el trabayu fechu."

Dempués de la so carrera como chiflado, Joe llevó una vida bastante sele. Entá mientres los sos años como chiflado, Joe recordaba que difícilmente se vio con Moe y Larry fuera del set. "Nunca socializamos demasiáu, nun siendo que fuera una promoción d'una película, una premiere o un alcuentru de negocios. Moe conocía xueces, médicos, xente rico: tenía'l so círculu d'amigos. Larry tenía los sos amigos tamién." Y DeRita recuerda: "Conocí daqué de xente fora de los mios amigos de Hollywood colos cualos taba cariciosu, y esfruté de la so compañía. Pero nun salí enforma de los carriles pa conocer xente."

Joe vivió en North Hollywood la última parte de la so vida con Jean Sullivan, con quien se casó'l 28 d'avientu de 1966. Pasó la mayoría del tiempu lleendo y mirando televisión, pero'l so pasatiempu favoritu yera escuchar música clásica. Tocantes a los gustos ya iñerizos de Joe: consideraba a George Raft, Buster Crabbe y Johnny Weissmüller como los trés peores actores de Hollywood. La so película favorita de los Chiflados yera The Three Stooges Go Around the World in a Daze (Columbia, 1963). Joe morrió'l 3 de xunetu de 1993, dempués d'una llarga batalla contra'l Alzheimer.

Filmografía[editar | editar la fonte]

Añu Títulu !

Rol

Notes
1943 Thank Your Lucky Stars Meek Man (uncredited)
1944 The Doughgirls The Stranger (uncredited)
1945 The Sailor Takes a Wife Waiter (uncredited)
1946 People Are Funny Comic Bit
The French Key Fox
High School Hero Tiny
Slappily Married (short) Joe Bates - Dim-Witted Husband
1947 The Good Bad Egg (short) Mr. Priggle
Wedlock Deadlock (short) Eddie
Jitter Bughouse (short) Joe
1948 Coroner Creek Bartender (uncredited)
1958 The Bravados Mr. Simms (uncredited)
1959 Have Rocket -- Will Travel Curly-Joe
1961 Snow White and the Three Stooges Curly-Joe
1962 The Three Stooges Meet Hercules Curly-Joe
The Three Stooges in Orbit Curly-Joe
1963 The Three Stooges Go Around the World in a Daze Curly-Joe
The Three Stooges Scrapbook (short) Curly-Joe
It's a Mad Mad Mad Mad World Fireman (uncredited)
4 for Texas Curly-Joe (uncredited)
1965 The Outlaws Is Coming Curly-Joe
The New 3 Stooges (TV series) Curly-Joe
Danny Thomas Meets the Comics (TV movie) Curly-Joe
1966 The Adventures of Ozzie & Harriet (TV series) Man with Lollipop
1967 Off to See the Wizard (TV series) Three Men in a Tub
1970 Kook's Tour Curly-Joe

Referencies[editar | editar la fonte]

  • Inglés: The Three Stooges: an illustrated history : amalgamated morons to American icons por Michael Fleming

Enllaces[editar | editar la fonte]