Cristina Gallo
Cristina Gallo | |
|---|---|
| Vida | |
| Nacimientu | Uviéu, 6 de marzu de 1965 (59 años) |
| Nacionalidá |
 España |
| Estudios | |
| Estudios | Universidá Europea de Madrid |
| Llingües falaes | castellanu |
| Oficiu | escritora, periodista, activista |
 | |
Cristina Gallo Suárez (6 de marzu de 1965, Uviéu) ye una periodista deportiva y escritora española, autora del llibru Lágrimas por una medalla al pie de la ex-ximnasta Tania Lamarca, y dende mayu de 2015 direutora y presentadora del programa de radio Ganamos con ellas na RPA, dedicáu a les muyeres asturianes del ámbitu deportivu.
Biografía[editar | editar la fonte]
En 1995 llicencióse en Ciencies de la Comunicación pola Universidá Europea de Madrid. Trabayó nes emisores Antena 3 Radio, COPE y Onda Cero, como redactora xefe y direutora de Conteníos del programa Supergarcía, presentáu por José María García. Yera la responsable de los conteníos del programa, guión y organización interna de la redaición, tanto la central como la de los corresponsales.[1] Pa eses emisores cubrió dellos Xuegos Olímpicos y campeonatos mundiales d'atletismu (Sevilla 1999, Edmonton 2001) y ximnasia rítmica (Sevilla 1998, Madrid 2001), amás d'otres competiciones de yudu, ḥoquei sobre patinos, vela o motociclismu. Dirixó tamién los portales d'internet Libredirecto.com y Masdeporte, amás de diseñar otres páxines web (www.biciclistas.es).[2]
N'abril de 2008 publicó'l llibru Lágrimas por una medalla, del que ye autora xunto a Tania Lamarca. El llibru ye l'autobiografía novelada de la campeona olímpica de ximnasia rítmica Tania Lamarca, y narra la so esperiencia como deportista d'élite y la so vida en retirándose de la competición.[3][4]
Dende 1998 especializóse en meses redondes y congresos sobro olimpismu y sobro'l papel de la muyer nel mundu del deporte. Collabora col Conseyu Cimeru de Deportes pa la ellaboración del boletín electrónicu de Programas Mujer y Deporte, que tien como oxetivu visibilizar a les muyeres nel ámbitu deportivu. Tamién collaboró col mesmu organismu na ellaboración del llibru Deporte y muyeres nos medios de comunicación. Suxerencies y encamientos (2011), que'l so oxetivu ye sensibilizar y ameyorar el tratamientu de la información sobro les deportistes femenines y les muyeres que trabayen nel mundu deportivu. Dende 2012 forma parte del GAPAS-D (Grupu de Sofitu pa la Prevención del Abusu Sexual Infantil nel Deporte), qu'estudia la incidencia de los casos d'esti problema n'España y busca medios pa la so prevención. Dende mayu de 2015 dirixe y presenta el programa de radio Ganamos con ellas na RPA, un magazín sobro les muyeres asturianes que se dediquen al ámbitu deportivu. En 2016 foi nomada vicepresidenta de l'Asociación de Muyeres pal Deporte Profesional (AMDP). Anguaño mora en Corella (Navarra).
Filmografía[editar | editar la fonte]
Programes de radio[editar | editar la fonte]
| Programes de radio | ||||
|---|---|---|---|---|
| Añu | Títulu | Emisora | Notes | |
| 1988 - 1992 | Supergarcía en la hora cero | Antena 3 Radio | Redactora de Deportes | |
| 1992 - 2000 | Supergarcía | COPE | Redactora xefe de Deportes | |
| 2000 - 2002 | Supergarcía en la onda | Onda Cero | Direutora de Conteníos | |
| 2015 - anguaño | Ganamos con ellas | RPA | Direutora y presentadora | |
Programes de televisión[editar | editar la fonte]
| Programes de televisión | |||
|---|---|---|---|
| Añu | Títulu | Cadena | Notes |
| 2012 | Equipo de investigación | Antena 3 | Entrevistada nel reportaxe «El método Tarrés»[5] |
| 2018 | Salvados | La Sexta | Entrevistada nel reportaxe «Los reyes de la noche»[6] |
Ver tamién[editar | editar la fonte]
Referencies[editar | editar la fonte]
- ↑ planetalector.com (ed.): «Cristina Gallo». Archiváu dende l'orixinal, el 5 de febreru de 2012. Consultáu'l 26 d'agostu de 2012.
- ↑ mujerydeporte.org (ed.): «JORNADA "MUJER, DEPORTE Y COMUNICACIÓN"» (25 d'ochobre de 2007). Consultáu'l 26 d'agostu de 2012.
- ↑ hoymujer.com (ed.): «Tania Lamarca» (15 d'abril de 2008). Consultáu'l 26 d'agostu de 2012.
- ↑ elcorreo.com (ed.): «La gimnasta alavesa Tania Lamarca cuenta en su libro 'Lágrimas por una medalla' el antes y después del oro». Consultáu'l 26 d'agostu de 2012.
- ↑ dailymotion.com (ed.): «Equipo de Investigación: El método Tarrés (parte 1) 9-11-2012». Consultáu'l 10 de febreru de 2018.
- ↑ lasexta.com (ed.): «Cristina Gallo en Salvados» (11 de febreru de 2018). Consultáu'l 20 de febreru de 2018.
Enllaces esternos[editar | editar la fonte]
- Cristina Gallo en Twitter
- Cristina Gallo en Linkedin
- Blogue de Tania Lamarca y Cristina Gallo
- Facebook oficial del llibru Lágrimas por una medalla
- Facebook oficial del programa de radio Ganamos con ellas
- Páxina web de l'Asociación de Muyeres pal Deporte Profesional
Datos: Q5791453