Cosmos Arena

Coordenaes: 53°16′39″N 50°14′16″E / 53.277534°N 50.23769°E / 53.277534; 50.23769
De Wikipedia
05-11-2020 19:54
Cosmos Arena
estadiu
Llocalización
PaísBandera de Rusia Rusia
Óblasts Óblast de Samara
Ókrug urbano (es) Traducir distritu urbanu de Samara
Ciudá con más Samara
Coordenaes 53°16′39″N 50°14′16″E / 53.277534°N 50.23769°E / 53.277534; 50.23769
Cosmos Arena alcuéntrase en Rusia
Cosmos Arena
Cosmos Arena
Cosmos Arena (Rusia)
Historia y usu
Copa Mundial de Fútbol de 2018
Dueñu Óblast de Samara
Xestión Xunión Rusa de Fútbol
Deporte fútbol
Usuariu PFC Krylia Sovetov Samara (es) Traducir
FC Akron Tolyatti (es) Traducir
Aforu 44 918
Categoría UEFA Categoría 4 4/4 estrellas
Web oficial
Cambiar los datos en Wikidata

El Cosmos Arena (rusu: «Космос Арена»), tamién llamáu Samara Arena, ye un estadiu de fútbol allugáu na ciudá de Samara en Rusia. L'estadiu ye una de les sedes de la Copa Mundial de la FIFA 2018 y ye utilizáu pol Krylia Sovetov Samara pa disputar los sos partíos como llocal, en sustitución del Metallurg Stadium. Tien una capacidá de 45 000 espectadores. Autoridaes de la ciudá de Samara anunciaron la so ufierta de diseñu a finales de 2012 con un costu envaloráu en 360 millones de dólares.[1]

Descripción del estadiu[editar | editar la fonte]

Carauterístiques xenerales:

  • Territoriu del estadiu: 27 hectárees
  • Capacidá total del estadiu: 44 918 espectadores
  • Capacidá de locales VIP: 1125 espectadores
  • Capacidá de la zona Premium: 75 espectadores
  • Superficie total del estadiu: 160 498,10 m²
  • Volume total de les construcciones del estadiu: 503 480,00 m³
  • Altor del estadiu: 60 metros
  • Sable del estadiu: 2 galeríes abiertes, 2 files de palcos zarraos (skybox)
  • Costos de construcción: 18,9 (20,7) mil millones de rublos
  • Edificador: Empresa «Sport-Engineering»
  • Diseñador xeneral: Empresa «TerrNIIgrazhdanproekt»
  • Organizaciones proyectistes: S.A.R.L. «PI «Arena», S.A.R.L. «SODIS LAB» y otres.
  • Contratista xeneral: S.A.R.L. «PSO «Kazán»
L'estadiu n'obres n'avientu de 2016.

El proyeutu del estadiu recibió l'aceutación positiva (repitida) de la Empresa autónoma federal «Glavgosexpertiza de Rusia» el 19 de xunetu de 2017.

La principal peculiaridá arquiteutónica del estadiu en Samara ye la so cúpula de carpinteríes metáliques, que pol so aspeutu esterior recuerden temes cósmicos. Cubriendo por completu la instalación, el so arcu termina escontra baxo con unos rayos, como si fuera una estrella o un cohete. Coles mesmes la cúpula cuasi nun tien combadura, sinón bástiase escontra riba en llinia reuta. Sobre la base elíptica hai dos galeríes pa los espectadores. Los sos asientos tán dafechu cubiertos pola bóveda. Prevése la calefacción de les tribunes. El diámetru del estadiu ye más grande qu'él de «Luzhnikí» de Moscú, y tien cerca de 330 metros.

La cúpula del estadiu ye una estructura prefabricada que consta de 32 consoles puestes sobre les pilastres piramidales de 21,4 metros d'altor. El pesu total del teyáu del estadiu ye de 13 mil tonelaes. Y la superficie total del techáu llega a 76 mil m². L'altor del estadiu ye de 60 metros. De base principal sirve una plancha monolítica fundamental de formigón armáu. El volume de formigón usáu pa la edificación del estadiu ye de más de 230 mil metros cúbicos. Consta de 4 galeríes: tribunes abiertes de riba y de baxo, y ente ellos – dos sectores de palcos zarraos pa los espectadores VIP (skybox). Per debaxo de les graderíes hai cinco altures más del espaciu. Ende atópense habitaciones pa deportistes, sales d'espera pa espectadores, places de serviciu y llocales comerciales, espacios pa esposiciones, y amás los sistemes de sofitu vital y suministru enerxéticu del estadiu.

Pa los hinches del equipu convidáu prevése una entrada a les tribunes separtada. Nes partes oeste y norte atópense accesos especiales y aparcamientos pal tresporte que lleva al estadiu a los deportistes.

El verde natural del campu de fútbol ta dotáu de sistemes de calefacción artificial y riegu automáticu.

Les pantalles d'información tán colingaes nunes construcciones metáliques al altor de 44 metros del nivel del campu de fútbol. La superficie de cada tableru ye de 172 metros cuadraos, y el tamañu – 18 por 9,6 metros.

Allugamientu[editar | editar la fonte]

Na ufierta inicial presentada a la FIFA el nuevu estadiu diba construyise nuna islla al sur de la ciudá. Nesi llugar, cuasi nun hai asentamientos o infraestructura, y nin siquier había una ponte que conduxera a la islla, nel momentu que se presentó la propuesta. Esto xeneró muncha controversia, razón pola que la construcción del estadiu treslladóse escontra'l norte y va construyise dientro de les llendes de la ciudá. Primeramente la so área foi entamada pa ser 27 hectárees, pero camudóse a 240 hectárees, y depués hasta 930 hectárees. La decisión d'enantar l'área complexa foi tomada enantes de cualquier consulta colos ciudadanos Samara. La mayor parte de les construcciones previstes nel área ampliada nun tien rellación colos deportes.

L'estadiu atópase na parte noroeste de Samara, ente les cais Dálniaya, Arena 2018 y carretera Moskóvskoye, y allúgase nel puntu más altu de la ciudá. La distancia dende la estación de ferrocarril hasta l'estadiu ye de 15 quilómetros, y del aeropuertu «Kurumoch» – 32 quilómetros.

Eventos[editar | editar la fonte]

Copa Mundial de Fútbol de 2018[editar | editar la fonte]

Fecha Fase Equipu Resultáu Equipu Espectadores
17 de xunu, 2018

Costa Rica

Bandera de Costa Rica
'
Bandera de Serbia Serbia
'
21 de xunu, 2018

Dinamarca

Bandera de Dinamarca
'
Bandera de Australia Australia
'
25 de xunu, 2018

Rusia

Bandera de Rusia
'
Bandera de Uruguái Uruguái
'
28 de xunu, 2018

Senegal

Bandera de Senegal
'
Bandera de Colombia Colombia
'
2 de xunetu, 2018 Octavos de final Y1 Bandera de ?
'
Bandera de ? F2
'
7 de xunetu, 2018 Cuartos de final W55 Bandera de ?
Bandera de ? W56
'

Servicios pa espectadores[editar | editar la fonte]

L'estadiu ufierta los siguientes servicios adicionales:

  • Sofitu informativu brindáu por voluntarios;
  • Información (puntu de rexistru de menores, puntu pa dexar los coches de neñu, oficina d'oxetos perdíos);
  • Conseña;
  • Audioguíes pa les persones invidentes o con problemes de visión.

Amás, les instalaciones tán dotaes d'asientos de tamaños mayores pa persones con sobrepesu. Pa les persones con discapacidá nes tribunes tán previstes zones especiales con espacios pa la siella de ruedes y un acompañante.

Condiciones pa espectadores con discapacidá[editar | editar la fonte]

Les persones con discapacidá van poder xubir a les tribunes n'ascensores (hai 38 nel estadiu), que tán especialmente forníos pa la so comodidá.

Nel estadiu hai más de 70 cuartos d'aséu destinaos pa les persones con discapacidá. Nos casos d'emerxencia los ciudadanos d'amenorgada movilidá pueden llamar l'auxiliu, apertando botones d'ayuda urxente nos ascensores, cuartos d'aséu y otros llugares especiales.[2]

Seguridá[editar | editar la fonte]

Pal Campeonatu Mundial de Fútbol 2018 l'estadiu cunta con sistemes d'alarma y avisu, detectores de metales, escáneres de líquidos peligrosos y sustancies esplosives y 30 puestos de vixilancia permanente.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]