Coordinadora Ornitolóxica d'Asturies

De Wikipedia
Saltar a navegación Saltar a la gueta
Coordinadora Ornitolóxica d'Asturies
Tipu Estudiu, proteición y divulgación ornotoloxía
Fundación 1990
Sede Flag of Asturias (indoor).svg Asturies
Alministración

Presidencia: Clemente Alvarez Usategui
Vicepresidencia: Rubén Fernández Martínez
Secretaría: Adrían Vigil Morán
(datos de 2015)

Miembros 200+
Sitiu web http://www.coa.org.es/

La Coordinadora Ornitolóxica d'Asturies ye una asociación independiente que'l so oxetivu ye l'estudiu y la defensa de les aves y los sos hábitats. Anguaño cuenta con más de 200 socios, repartíos per tola xeografía asturiana, constituyendo un grupu muy diversu.

Historia[editar | editar la fonte]

Les asociaciones d'ornitólogos nacen n'Asturies nos años setenta. Y ye el grupu Aythya-A.N.A. el primeru qu'axunta a la gran mayoría de los aficionaos asturianos d'aquel momentu. Foi, arriendes, la primer asociación ornitolóxica asturiana que collaboró en dellos proyeutos a nivel nacional (censu d'aves acuátiques invernantes y censu d'aves marines nidificantes, por exemplu).

Tres unos diez años d'esistencia, mentanto los que se ficieron numberosos estudios, el grupu amenorga y déxense de llevar a cabu los proyeutos. Na primavera de 1987, un par d'ornitólogos asturianos plantéguense la situación del momentu y deciden intentar arrexuntar nuevamente a los aficionaos. Aprovechóse la celebración del Día Mundial de les Aves (18 al 24 de mayu). Con esti motivu, montáronse meses informatives, diéronse charres y averóse el mundu de les aves a los ciudadanos.

En 1990 dase un pasu importante, l'asociación llegalízase, adopta unos estatutos, constitúi una Xunta Direutiva y regulariza les xuntes periódiques. A partir d'esti momentu, los ornitólogos asturianos dexen de trabayar en solitariu y xunen los sos esfuercios en favor de les aves y les sos hábitats.

Actividaes[editar | editar la fonte]

Ente les actividaes que desendolca la COA, les más importantes son:

  • Censos
  • Campañes de proteición
  • Aniellamientu
  • Salides de campu
  • Educación ambiental, per aciu de charres, esposiciones, y edición de material divulgativu

Ente otros trabayos, la COA, tien ellaborao un glosariu colos nomes comunes n'asturianu de les aves.