Conxuntu histórico-artísticu d'Avilés

De Wikipedia

El cascu antiguu de la ciudá asturiana d'Avilés foi declaráu Conxuntu Histórico-Artísticu'l 27 de mayu de 1955,[1] na villa alcuentrense obres perinteresantes de calter tanto relxosu como civil, cais como Galiana, Rivero, La Ferrería y San Francisco atestigüen la so historia con magníficos edificios y soportales.

Catalogáu como'l segundu meyor cascu antiguu d'Asturies tres el d'Uviéu, el conxuntu ta compuestu poles muries de la villa, plaza del parche, cai de la Ferrería, cai de Pedro Solís, cai San Bernardo, plazuela frente al palaciu de Campusagráu, cai del Rivero, cai Palacio Valdés, plaza de Carlos Lobo, cai San Francisco, plaza del Carbayu, antigua cárcel y el Canapé.

Resulten d'interés el palaciu de Valdecarzana, la casa de Carreño (c/ Pinar de Río), el palaciu de Campusagráu, la casa de Pedro Menéndez (c/ San Bernardo), el palaciu de Ferrera, la fonte de los Caños, la capiella de los Alas, la ilesia de San Francisco, la ilesia de San Nicolás de Bari, la ilesia vieya de Sabugo, la capiella de Galiana, el palaciu de Balsera, el palaciu de Llano Ponte y los Canapés.

Posteriormente tiense declarao Conxuntu Históricu'l 27 de xineru de 1993 les siguientes zones: La Plaza del Mercáu (o de los Hermanos Orbón), un conxuntu modernista compuestu pola plaza de les Aceñes y l'edificiu del mercáu y llendáu pela cai Rui Pérez, al norte; la plaza de Pedro Menéndez, al Este; la cai de la Muralla, al sur, y la cai de la Cámara, al oeste.

Galería de semeyes[editar | editar la fonte]

Referencies[editar | editar la fonte]

  1. Aoleyáu nel BOE con fecha de 7 de xunu de 1955

Enllaces esternos[editar | editar la fonte]