Saltar al conteníu

Concepción Ramírez

28-09-2021 06:46
De Wikipedia
Concepción Ramírez
Vida
Nacimientu Santiago Atitlán, 8 de marzu de 1942[1]
Nacionalidá Bandera de Guatemala Guatemala
Muerte Santiago Atitlán[1], 10 de setiembre de 2021[1] (79 años)
Estudios
Llingües falaes Idioma zutuhil
castellanu
Oficiu
Oficiu modelu artística, activista pola paz, Vocera
Cambiar los datos en Wikidata

María de la Concepción Ramírez Mendoza (8 de marzu de 1942, Santiago Atitlán – 10 de setiembre de 2021, Santiago Atitlán),[2] conocida como Concepción Ramírez y Doña Chonita, foi una activista guatemaliana qu'apaez na moneda de 25 centavos de quetzal.[3]

Biografía

[editar | editar la fonte]

Doña Concepción Ramírez nació en Santiago Atitlán el 8 de marzu de 1942 nel cantón Tzanjuyú.[3] El so pá yera un predicador evanxélicu y la so ma enseñó-y artesaníes tradicionales en casa; dambos yeren yeren de la etnia tz'utujils.[4] En 1965 casó con Miguel Ángel Reanda Sicay y tuvieron seis fíos. El so pa y el so maríu foron asesinaos na guerra civil de Guatemala.[5]

Nel añu 1959, una comisión foi nomada pa dir a Santiago Atitlán pa buscar y fotografiar a la muyer indíxena más bella pa incluyila na numismática de Guatemala, entós ella tenía 17 años y foi escoyida por esta comisión pa ser grabada na moneda de 25 centavos. Gracies al alcuerdu gubernativu númberu 791-97, Ramírez pudo destacar a nivel nacional ya internacional, siendo homenaxada por delles entidaes.[3]

Soi una muyer humilde que lluché colos mios fíos desque quedé vilba. Quiero que sepan que les muyeres tenemos grandes valores, polo que les encamiento a que sigamos alantre y lluchemos poles nueses vides.
—Concepción Ramírez.[3]

Como forma d'homenaxe, les autoridaes del conceyu y del departamentu de Santiago Atitlán rindieron homenaxe a Concepción Ramírez Mendoza, y diéron-y la Orde Municipal del Reinu Tzutujil.[3]

Estatua de moneda de 25 centavos a Santiago Atitlan.

Como complementu d'esta actividá inauguró la remodelación del parque central onde se develó un monumentu de formigón —una ficha de Q0.25—, con un diámetru d'aproximadamente un metro, dedicáu a Ramírez. Nel añu 2007, Concepción Ramírez fixo'l cambéu de la Rosa de la Paz, nel Palaciu Nacional de la Cultura, na entrega d'un documentu rellacionáu al conflictu armáu internu.[3]

Referencies

[editar | editar la fonte]
  1. 1 2 3 URL de la referencia: https://lahora.gt/fallece-concepcion-ramirez-mendoza-el-rostro-de-la-moneda-de-25-centavos/. Direición web d'archivu: https://web.archive.org/web/20210911173909/https://lahora.gt/fallece-concepcion-ramirez-mendoza-el-rostro-de-la-moneda-de-25-centavos/. Data d'archivu: 11 setiembre 2021.
  2. ↑ Pérez Marroquín, César (10 de setiembre de 2021). «Fallece en Santiago Atitlán Concepción Ramírez, el rostro de la moneda de Q0.25 – Prensa Libre». Prensa Libre. Consultáu'l 11 de setiembre de 2021.
  3. 1 2 3 4 5 6 Concepción Ramírez. 22 de xineru de 2014. Archiváu dende l'orixinal el 2010-05-12. https://web.archive.org/web/20100512235820/http://www.santacruzbarillas.org/concepcion-ramirez-rostro-de-la-moneda-de-25-centavos/. Consultáu'l 2021-09-28.
  4. ↑ Ortíz, Grecia (2021-09-11). «Fallece Concepción Ramírez Mendoza “el rostro” de la moneda de 25 centavos» (castellanu). La Hora. Archiváu dende l'orixinal, el 2021-09-11. Consultáu'l 2021-09-11.
  5. ↑ «Chonita, el rostro de la moneda de 25 centavos – Prensa Libre» (3 de xineru de 2020).

Enllaces esternos

[editar | editar la fonte]