Complexu Deportivu Les Mestes

Complexu Deportivu Les Mestes
	instalación deportiva
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Xixón
Coordenaes	43°31′54″N 5°38′09″W / 43.5317°N 5.6358°O
	Complexu Deportivu Les Mestes Complexu Deportivu Les Mestes (Asturies)
Historia y usu
Apertura	1942
Dueñu	Xixón
Deporte	fútbol americanu
Usuariu	Gijón Mariners (es)
Aforu	10 000

El Complexu Deportivu Les Mestes ye una instalación deportiva allugada en Xixón, Asturies.

La capacidá de les graes ye d'unos 10.000 espectadores nel recintu principal y de 3.500 nel anexu p'atletismu.

Usos[editar | editar la fonte]

Estadiu de fútbol americanu y de rugbi.
Hipódromu y pista de torgues de 10.000 m², dimensiones de 135 X 78 m y torgues naturales qu'inclúin ría. Sede del Concursu de Saltos Internacional de Xixón. Acoyó'l Campeonatu Européu de Saltos Ecuestres de 1993.
Velódromu de 428 m de cuerda. En 2008 acoyó'l campeonatu del mundu de patinaxe de velocidá sobre patinos en llinia.
Pista independiente d'atletismu homologada, denominada "José Luis Rubio", de 400 m de cuerda y 8 cais, módulu d'atletismu cubiertu en recta de 55 m, con espalderas, bancos suecos, valles, plinton, escalera horizontal y cuerda d'engata; sala de musculación de 180 m² y 2 pistes polideportivas al campu de 44 X 22 m, foso de saltu de llonxitú, zona de llanzamientu de pesu.

El 10 de xunu de 2007 acoyó la final de Copa del Rei de Rugbi, ente l'El Salvador Rugby de Valladolid y la UE Santboiana de Sant Boi del Llobregat, con victoria pa los primeres por 29-16.
El 14 de febreru de 2010 acoyó'l partíu internacional de rugbi femenín ente España ya Inglaterra A, con victoria pa les britániques por 5-10.
El 23 de febreru de 2013 acoyó'l partíu internacional de rugbi masculín de la temporada 2013-14 del Seis Naciones B ente España y Rumanía, con victoria pa los rumanos por 15-25.
El 23-24 de xunetu de 2016 acoyó'l 96 Campeonatu d'España d'Atletismu al campu.