Comandanta Ramona

De Wikipedia
Saltar a navegación Saltar a la gueta
Comandanta Ramona
Comandanta Ramona by bastian.jpg
Vida
Nacimientu Chiapas1959
Nacionalidá Bandera de Méxicu Méxicu
Fallecimientu

San Cristóbal de las Casas6  de xineru de 2006

(46/47 años)
Causa de la muerte Insuficiencia renal
Tuberculosis
Oficiu
Oficiu política y militar
Cambiar los datos en Wikidata

La Comandanta Ramona (Chiapas; 1959San Cristóbal de les Cases; 6 de xineru de 2006) foi una muyer indíxena tzotzil y comandante del Exércitu Zapatista de Lliberación Nacional de Chiapas, Méxicu, que finó'l 6 de xineru de 2006 por causa de cáncer nel reñón. El términu "comandanta", magar nun yera usáu n'español, sí yera'l nome del so cargu nel EZLN, pa referise a ella en particular.

Foi una de les representantes más destacaes del EZLN mientres los primeros años de vida pública del movimientu. El grupu musical chicanu Quetzal de Los Angeles grabó la tema Toos somos Ramona nel so honor.

Participaciones destacaes[editar | editar la fonte]

En 1993, la Comandanta Ramona y la Mayor Ana María consultaron llargamente a les comunidaes indíxenes Neozapatistas, sobre la esplotación de les muyeres, y darréu redactaron la Ley Revolucionaria de Muyeres. El 8 de marzu d'esi añu aprobóse dicha llei.

Mientres el llevantamientu zapatista foi la encargada de dirixir dende'l puntu de vista estratéxicu tomar de San Cristóbal de les Cases el 1 de xineru de 1994. Participó nos Diálogos de San Andrés, y foi la primera representante zapatista en llegar a la Ciudá de Méxicu en 1996.

Cáncer[editar | editar la fonte]

Yá dende 1994 había batallado col cáncer de reñón, y pocu dempués de la so apaición na plaza principal de la Ciudá de Méxicu ante decenu de miles de simpatizantes en 1996, Ramona recibió un esitosu tresplante de reñón del so hermanu. Gracies a esti procedimientu, que foi posible por una estensa campaña de recueya de fondos, Ramona pudo estender la so vida diez años más.

Decesu[editar | editar la fonte]

La última vegada qu'apaeció en públicu foi mientres les xuntes preparatorias de La Otra Campaña, el 16 de setiembre del 2005, nel Cascoxu de La Garrucha. Por cuenta de la so muerte, el Subcomandante Marcos suspendió les actividaes de "La Otra Campaña" mientres dellos díes pa tar presente nel serviciu funerariu de Ramona, na zona selva del estáu.


Enllaces esternos[editar | editar la fonte]


Comandanta Ramona