Coma (puntuación)

De Wikipedia

La coma (,) ye un signu de puntuación qu'indica una pausa pequeña que se produz dientro l'enunciáu.

Emplégase pa separtar les pallabres nuna enumberación, de nun ser les que vengan precedíes per dalguna de les conxunciones y, ya, o, o nin. Por exemplu:

Teo perros, gatos, coneyos y rates.
María tornó pa casa, fizo los deberes, cenó y foise pa la cama.

Hai tendencies qu'almiten el so emplegu pa separtar dos miembros independientes d'una oración, haiga o non conxunción ente ellos, siempres que seyan realmente independientes, sinón taríemos nel casu anterior::

Los soldaos saludaben, la xente aplaudía, y los neños nun aparaben de cantar.

Tamién emplégase pa dellimitar una aclaración o incisu:

Nacho, el mio primu, vien de consiguir el so primer emplegu.

Les llocuciones conxuntives o adverbiales, seya la que seya la so posición, van precedíes de coma, tomo: n'efeutu, sicasí, en fin, por embargu y otres de la mesma clas.

Dame eso ceo, ye dicir, si te paez bien.
Pasó una mala nueche. Al día siguiente, sicasí, aprobó'l so esame.

La coma emplégase como signu decimal nel mundu non anglófonu (esti ye'l signu preferíu pola ISO pa esti usu). Por exemplu

3,14159

Nel mundiu anglófonu y en dellos países, la coma emplégase en númberos grandes pa separtar los millares, entamando pela drecha.

$15,000,000

Referencies[editar | editar la fonte]

Enllaces esternos[editar | editar la fonte]