Cohors quinquagenaria peditata

De Wikipedia
Saltar a: navegación, buscar
Roman Military banner.svg
Esti artículu ye parte de la serie:
Exércitu de la Roma Antigua (portal)
753 BC – AD 476
Historia
Exércitu romanu (tipos d'unidaes y rangos, llexones, auxiliaries, xenerales)
Marina romana (flotes, almirantes)
Historia de les campañes
Llistes de guerres y batalles
Condecoraciones y castigos
Historia de la teunoloxía
Inxeniería militar (castra, máquines d'asediu, aros, víes)
Historia política
Estratexes y táutiques
Táutiques d'infantería
Fronteres y fortificaciones (limes, Muralla d'Adrianu)
Esta caxa: ver  discusión  editar
Cambiar los datos en Wikidata

La cohors quinquagenaria yera una unidá auxiliar del exércitu romanu imperial compuesta por soldaos que nun disponíen de la ciudadanía romana. Estes unidaes fueron creaes pa completar les deficiencies de les llexones del exércitu imperial, formaes cuasi esclusivamente por infantería pesada, introduciendo unidaes d'infantería llixera y especilizaes, como arqueros o flonderos.

Taba formada por 480 soldaos d'infantería dividíos en seyes centuries d'ochenta homes a les órdenes de dellos centuriones, asistíos caún por un optio o llugarteniente, un tesserarius o subofial d'intelixencia y un signifer o portaestandarte. Cada centuria dixebrábase en diez pelotones d'ocho soldaos, llamaos contubernium.

La unidá taba mandada por un Praefectus cohortis nomáu pol emperador d'ente los miembros del ordo ecuester, qu'asina aniciaba'l primer escalón de la so carrera militar.

Les cohortes quinquagenariae peditatae fueron asignaes a entamos del Imperiu a llexones concretes, pero dende Claudiu y, especialmente, de magar Vespasianu emprimaron a ser asitiaes nos limes del Imperiu en bases permanentes, llamaes castellum cohortis. Estos teníen forma rectangular, ocupando entes 0,8 y 1,2 ha, con cuatro puertes. Nel centru allugábase'l cuartel general o principia, que contenía la capiella de los signa o estandartes, la caxa de la unidá y les oficines. A los llaos del principia llevantaben el praetorium o residencia del prefeutu de la unidá, los horrea o horros/almacenes y seyes edificios de barracones.

Na parte esterior del castellum solía llevantase una instalación termal. Xunto a la mesma, poco a poco, diben formándose una vicus o aldea civil.

A partir de Vespasianu, formáronse Cohortes milliariae peditatae, especialmente d'arqueros, formaes por 800 soldaos encuadraos en 10 centuries d'ochenta infantes, y dirixíes por tribunus cohortis milliariae, miembru tamién del ordo equester.

Non toles cohortes auxiliares taben formaes por non ciudadanos, ya qu'en distintes époques, especialmente baxo Augustu, reclutáronse unidaes de ciudadanos romanos, que recibíen el títulu de Voluntariorum, Italica, Campana o Campestris, y que siempres taben armaes y vestíes de la mesma manera que los llexonarios y dirixíes por un Tribunus Cohortis ecuestre.

Les unidaes auxiliares de non ciudadanos podíen recibir como premiu por dalguna aición de combate meritoria'l títulu de civium romanorum qu'otorgaba a los sos homes la ciudadanía enantes del so llicenciamientu y-yos permitía vestir del mesmu xeitu que los llexonarios.

Les reformes militares de Dioclecianu y Constantín I a entamos del sieglu IV tresformaron sustancialmente estes unidaes, que, si bien caltuvieron los sos nomes, vieron reducíos los sos efeutivos hasta los 200 soldaos y, en xeneral, fueron integraes nos exércitos fronterizos de tipu limitanei, con un nivel d'entrenamientu y efeutividá reducíos.

Llista de cohors quingenaria del exércitu romanu[editar | editar la fonte]

Epitafiu d'un soldáu de la Cohos I Montanorum, unidá d'infantería auxiliar de tipu quinguenariu.

Bibliografía[editar | editar la fonte]

  • Y. Le Bohec, El ejército romano: instrumento para la conquista de un imperio, Ed. Ariel, Barcelona, 2004, ISBN 84-344-6723-2 978-84-344-6723-1
  • A. Goldsworthy, El ejército romano, Ed. Akal, Madrid 2005, ISBN 84-460-2234-6, 978-84-460-2234-6

Enllaces esternos[editar | editar la fonte]