Clima d'Asturies

De Wikipedia
Saltar a navegación Saltar a la gueta

El clima xeneral n'Asturies ye oceánicu, con precipitaciones abondoses partíes a lo llargo del añu y temperatures nidies tantu pel hibiernu como pel branu. Por cuenta de lo abrupto de la xeografía asturiana hai infinidá de microclimes, anque podríamos estremar tres microclimes principales nel Principáu: oceánicu lluviosu, oceánicu interior y de monte.

Les zones climátiques estremables son:

  • A franxa climática do mariniegu, moi influyida polo mar;
  • Outra franxa climática nel suroeste del Principáu, con un clima más continentalizado;
  • La franxa central que, anque oceánicu, nun ta tan influyida pel mar como la mariniega y el clima de monte en toles rexones de la Cordal Cantábricu, con importantes nevaes, qu'en cotes non bien altes, pueden empezar n'ochobre y prorrogase hasta mayu, anque nun ye raru ver dalgún falopu en cotes cimeres a los 2000 metros nos meses de branu.

Descripción[editar | editar la fonte]

Ye un clima húmedu, por cuenta de que a los tener el clima oceánicu y la mariña na mariña y abondoses precipitaciones faen que'l clima, que l'atmósfera tenga un porcentaxe de mugor carauterístico del clima húmedu.

Récores climáticos[editar | editar la fonte]

Hai que tener en cuenta que la fonte de los datos ye'l Institutu Nacional de Meteoroloxía (INM) y que esti solu ufierta los datos de Xixón, Uviéu, Mieres y l'Aeropuertu d'Asturies pal Principáu d'Asturies. Por ello los datos visualizaos equí correspuenden a diches fontes, nun hai datos oficiales d'otros llugares del Principáu, siquier públicos. Magar, por casu, el INM cunta con una estación meteorolóxica automática na Urbanización de Valgrande - El Brañil.lín, na estación iverniza de Valgrande-Payares a una altitú de 1480 msnm, onde cada iviernu ye fácil ver rexistros inferiores a los -16,4 °C, anque nun se disponen series históriques de dicha estación meteorolóxica.

  • Temperatura máximo: 37,5 °C (18 de xunetu de 2016 en Mieres)
  • Temperatura mínimo: -16,4 °C (3 de febreru de 1942 en Mieres)
  • Precipitación máxima en 24 hores: 149,6 mm (26 de setiembre de 1987 en Xixón)
  • Precipitación máxima nun mes: 387,2 mm (ochobre de 1992 nel Aeropuertu d'Asturies)
  • Racha máxima de vientu: 190 km/h (payares de 1978 n'Uviéu)
  • Máximu de díes d'agua nun mes: 29 (ochobre de 1972 en Xixón)
  • Máximu de díes de nieve nun mes: 19 (xineru de 1967 en Mieres)
  • Máximu de díes de nube nun mes: 11 (xunetu de 1986 n'Uviéu)

Los datos climáticos oficiales apurríos enantes ayuden a caracterizar el clima asturianu d'una forma bien llindada, más bien céntrase nuna descripción de les traces climátiques del centru de la rexón. Mientres oriente y occidente queden totalmente desprovistos por estaciones d'observación de primer orde siendo entá más grave sobremanera nel casu del occidente cuando en dicha nala de la rexón alcuéntrense les carauterístiques micro-climátiques más destacaes de la Comunidá Autónoma, Ibias y Cangas.

Enllaces esternos[editar | editar la fonte]

Clima de Asturias