Cecilia Underwood

De Wikipedia
Cecilia Underwood
Vida
Nacimientu 1785
Nacionalidá Bandera del Reinu Xuníu Reinu Xuníu de Gran Bretaña ya Irlanda
Residencia Palaciu de Kensington
Llingua materna inglés británicu
Muerte Palaciu de Kensington1 d'agostu de 1873[1] (87/88 años)
Sepultura cementerio de Kensal Green (es) Traducir
Familia
Padre Arthur Gore, 2nd Earl of Arran
Madre Elizabeth Underwood
Casada con Sir George Buggin (en) Traducir (1815 – m. 1825)[2]
Prince Augustus Frederick (1831 – m. 1843)[2]
Hermanos/es
Estudios
Llingües falaes inglés
Oficiu aristócrata
Cambiar los datos en Wikidata

Cecilia Underwood, 1ª duquesa de Inverness (nacida Lady Cecilia Letitia Gore; c. 1785 – 1 d'agostu de 1873), foi la segunda esposa del príncipe Augusto Federicu, duque de Sussex, sestu fíu del rey Xurde III. Puesto que el so matrimoniu diba en contravención del Acta de Matrimonios Reales de 1772, nun tuvo derechu al títulu y tratamientu de Duquesa de Sussex o Princesa. Foi creada Duquesa de Inverness, por derechu propiu, pola reina Victoria, el 10 d'abril de 1840.

Primeros años[editar | editar la fonte]

La fecha extacta de la nacencia de Cecilia ye desconocida, anque foi alredor de 1785. El so padre yera Arthur Gore, 2º conde de Arran, la so madre Elizabeth, nacida Underwood. Foi titulada Lady Cecilia Gore dende la so nacencia, títulu de cortesía de la fía d'un conde.

Matrimonios[editar | editar la fonte]

Lady Cecilia casóse con Sir George Buggin, en mayu de 1815. El matrimoniu nun tuvo fíos y Sir George morrió'l 12 d'abril de 1825.

Dempués casaríase en segundes nupcias col príncipe Augusto Federicu, duque de Sussex, fíu del rey Xurde III, en Great Cumberland Place, Londres, el de 2 de mayu de 1831. El duque de Sussex casárase con Lady Augusta Murray en 1793, pero'l matrimoniu foi anuláu en 1794, yá que diba en contra del Acta de Matrimonios Reales de 1772, que riquía que tolos miembros de la Familia Real Británica solicitaren permisu al soberanu pa contraer matrimoniu, polo que foi llegalmente nulu. Pa la so segunda boda, la so primer esposa yá finara.

Duquesa de Inverness[editar | editar la fonte]

Como'l matrimoniu nun yera consideráu llegal nel Reinu Xuníu, Lady Cecilia nun pudo tomar el títulu y estilu de La so Alteza Real la Duquesa de Sussex. Nel so llugar asumió'l nome "Underwood", nome de soltera de la so madre, por Llicencia Real y foi conocida como Lady Cecilia Underwood. La pareya moró nos apartamentos del duque nel Palaciu de Kensington.

Sicasí, Lady Cecilia nun foi aceptada como miembru de la Familia Real. L'estrictu protocolu real acutaba la presencia de Lady Cecilia en cualesquier de les funciones en qu'asistieren otros miembros de la Familia Real, yá que nun podía tomar asientu xunto al so maríu, por cuenta del so rangu inferior. Pa compensar esto, la reina Victoria crear Duquesa de Inverness en 1840, por derechu propiu, con una residuu pa los sos herederos varones nacíos llegalmente. El títulu provenía del títulu subsidiario del so maríu, conde de Inverness.

El duque de Sussex morrió nel Palaciu de Kensington y foi soterráu nel Campusantu de Kensal Green. La duquesa de Inverness siguió morando nel Palaciu de Kensington hasta la so muerte n'agostu de 1873. Foi soterrada xunto al so segundu maríu.

Títulos y estilos[editar | editar la fonte]

  • 1785–Mayu de 1815: Lady Cecilia Gore.
  • Mayu de 1815–c. 1831: Lady Cecilia Buggin.
  • c. 1831–10 d'abril de 1840: Lady Cecilia Underwood.
  • 10 d'abril de 1840–1 d'agostu de 1873: La so Gracia la Duquesa de Inverness.


Referencies[editar | editar la fonte]

  1. Afirmao en: Collective Biographies of Women. Collective Biographies of Women ID: 15365. Apaez como: The Duchess of Inverness. Data de consulta: 9 ochobre 2017. Llingua de la obra o nome: inglés.
  2. 2,0 2,1 Identificador de persona en The Peerage: p10853.htm#i108522. Data de consulta: 7 agostu 2020.

Enllaces esternos[editar | editar la fonte]