Casllwchwr

De Wikipedia
Saltar a navegación Saltar a la gueta
Wikiproyeutu: Nuvola Asturian flag.svg Asturies - Cymru Nuvola welsh flag simplified.svg
Casllwchwr
Loughor.jpg
Alministración
Tipu entidá villa
Xeografía
Coordenaes 51°39′45″N 4°03′53″W / 51.6626°N 4.0646°W / 51.6626; -4.0646Coordenaes: 51°39′45″N 4°03′53″W / 51.6626°N 4.0646°W / 51.6626; -4.0646
Casllwchwr is located in Reinu Xuníu
Casllwchwr
Casllwchwr
Casllwchwr (Reinu Xuníu)
Demografía
Cambiar los datos en Wikidata

Casllwchwr (n'inglés: Loughor /ˈlʌxər/[1]), tamién conocida como Gasllwchwr, ye una villa na ciudá y condáu d'Abertawe, Gales, dientro de les llendes del condáu históricu de Sir Forgannwg. Está asitiada sobre el ríu Llwchwr. La villa tien un conceyu comunitariu col nome de Llwchwr. Llenda coles comunidaes de Bynea en Sir Gaerfyrddin, Pengelli, Tre-Gwŷr y Gorseinon.

Hestoria[editar | editar la fonte]

La villa inclúi'l fuerte romanu de Leucarum, sobro'l cual foi construyíu'l castiellu de Casllwchwr nel añu 1106. Casllwchwr creció alredor del castiellu.

Casllwchwr tien la so propia estación de botes salvavides dende l'añu 1969, asitiada al llau de la ponte de la carretera. L'actual bote salvavides ye un Ribcraft 5,85m RIB.[2] Casllwchwr creció dempués como un puertu. Les principales industries d'empiezos del sieglu XX yeren d'esplotación d'estañu y aceru.

Estructura y servicios[editar | editar la fonte]

Casllwchwr puede estremase en dos árees, definíes polos actuales distritos electorales de Baxu Casllwchwr y Alto Casllwchwr, los cualos tienen la so propia hestoria. Baxu Casllwchwr (Lower Loughor n'inglés) allúgase al llau del mar en tierres baxes, ente que l'Alto Casllwchwr (Upper Loughor) ta en zona de valle. Casllwchwr creció orixinariamente alredor del castiellu normandu, no qu'anguaño forma parte del distritu de Baxu Casllwchwr. L'Alto Casllwchwr empezó como un asentamientu distintu, primeramente alredor de lo qu'anguaño ye la zona de Glebe Road, y foi una villa distinta y bien establecida a mediaos del sieglu XIX. Casllwchwr ye anguaño una ciudá dormitoriu d'Abertawe y Llanelli cruciando la ponte de Casllwchwr, y fundióse cola llocalidá vecina de Gorseinon.

La villa cunta con dos escueles, el colexu primariu Tre Uchaf y el colexu primariu Casllwchwr. Frente al colexu Tre Uchaf ta allugáu el centru universitariu Coleg Gŵyr Abertawe.

El club local de rugbi 15 ye'l Loughor RFC.

Referencies[editar | editar la fonte]

  1. G.M. Miller, BBC Pronouncing Dictionary of British Names (Oxford UP, 1971), p. 92.
  2. «Loughor Lifeboat». Consultáu'l 13 d'abril de 2018.

Enllaces esternos[editar | editar la fonte]