Casa de los Marqueses de Gamoneda

Coordenaes: 43°32′37″N 6°32′08″W / 43.543523°N 6.5355624°O / 43.543523; -6.5355624
De Wikipedia
Casa de los Marqueses de Gamoneda
Bien d'Interés Cultural
casa señorial (es) Traducir y monumentu
Llocalización
País España
Autonomía Principáu d'Asturies
Provincia provincia d'Asturies
Conceyu Valdés
Coordenaes 43°32′37″N 6°32′08″W / 43.543523°N 6.5355624°O / 43.543523; -6.5355624
Casa de los Marqueses de Gamoneda alcuéntrase n'Asturies
Casa de los Marqueses de Gamoneda
Casa de los Marqueses de Gamoneda
Casa de los Marqueses de Gamoneda (Asturies)
Arquiteutura
Estilu arquiteutura barroca
Patrimoniu
BIC RI-51-0009060[1]
Cambiar los datos en Wikidata

La Casa o Palaciu de los marqueses de Gamoneda ye una clásica construcción señorial urbana del sieglu XVIII, perteneciente a la familia de los Gamoneda. Alcuéntrase na ciudá española de Ḷḷuarca, nel conceyu asturianu de Valdés. Foi declarada Bien d'interés cultural. Anguaño utilízase como Oficina de Turismu. La casa foi propiedá de Juan Antonio Pérez Gamoneda y Casos Villademoros, primer marqués de Gamoneda, títulu concedíu por Carlos III d'España, de quien foi'l so secretariu.

Ye de destacar el blasón de la familia, enriba del balcón central, unu de los más fachendosos qu'esisten n'Asturies. L'edificiu ye de planta rectangular, con planta baxa, pisu y desván nel que la so distribución espacial sufrió cambeos p'afaela a los nuevos usos.

Los vanos ordénense simétricamente na fachada principal, destacando'l balcón central, asitiáu nel primer pisu, con repisa moldurada en voladizu y moldures d'oreyes: sobre él, un frontón mixtilíneo con pináculos y flanqueáu por pilastres, alluga nel so tímpanu l'escudu d'armes, de grandes proporciones, coles armes de la familia Gamoneda.

Los murios son de mampostería pizarrosa revocada y sillería arenisca en cadenes esquineres y vanos. La cubierta ye de llábanos de cayuela a dos agües con faldón sobre la fachada principal.

N'ochobre de 2009, el conceyu de Valdés alcordó la compra del inmueble por un millón d'euros a la familia propietaria[2], col enfotu de abrir nel palaciu un muséu dedicáu a Severo Ochoa, natural de Ḷḷuarca. Hasta la compra, el palaciu pertenecía a la familia Lombardía, quien rexentaben una fonda na casa[3].

Referencies[editar | editar la fonte]

  1. ↑ «base de datos de monumentos de Wiki Loves Monuments» (13 payares 2017).
  2. ↑ Serrano, Ana M. (1 d'ochobre de 2009). «Valdés compra por un millón el palacio de los marqueses de Gamoneda, en Luarca» (castellanu). La Nueva España. Consultáu'l 26 d'ochobre de 2014.
  3. ↑ *«marqueses-de-gamoneda/ Casa de los Marqueses de Gamoneda». Guía Repsol. Consultáu'l 26 d'ochobre de 2014.
Sacáu de «https://ast.wikipedia.org/w/index.php?title=Casa_de_los_Marqueses_de_Gamoneda&oldid=4138884»