Carlos Alsina
Carlos Alsina | |
|---|---|
.jpg) | |
| Vida | |
| Nacimientu | Madrid, 15 d'ochobre de 1969 (54 años) |
| Nacionalidá |
 España |
| Estudios | |
| Llingües falaes | castellanu |
| Oficiu | llocutor radiofónicu, periodista |
| Emplegadores | Onda Cero (1990, 2003 – 1993) |
| Premios |
ver
|
 | |
Carlos María Alsina Álvarez (15 d'ochobre de 1969, Madrid), conocíu simplemente como Carlos Alsina, ye un periodista y llocutor de radio español.
Llicenciáu en periodismu, ente los sos primeros trabayos tenemos collaboraciones col diariu ABC o la revista Cambio 16. En 1990 entró a trabayar en Onda Cero, emisora na que lleva dende entós, quitando algún pequeñu periodu en Antena 3 Radio, Radio Voz y Radio Intereconomía. En prensa escrito collabora habitualmente col diariu La Razón.
Ente 2003 y 2005 tuvo dirixendo los informativos del mediudía en Onda Cero, puestu que dexaría pa pasar a dirixir durante 10 años ún de los programas más veteranos de la cadena: La Brújula.
Depués d'una década nel horariu vespertín pasó a sustituyir a Carlos Herrera nes mañanes de la cadena, con un nuevu programa que dirixía xunto a Juan Ramón Lucas: Más de uno. Alsina yera l'encargáu de la primer parte del programa, ente les 6 y les 10 de la mañana, con un xeitu más formal y más conteníu informativu. Lucas yera l'encargáu de la parte más llúdica del espaciu. En 2018 Lucas dexó les mañanaes pa pasar como direutor de La Brújula y Alsina quedó al mando de tola programación matinal, ente les 6 y les 12:30[1]
Ente 2016 y 2019 tamién tuvo al mando de La Cultureta. Esti programa entamó como una seición de Más de uno, pasando a tener un espaciu propiu na nueche de los vienres. Rubén Amón sustituyolo como direutor en 2019.
Tien dos Premios Ondas. El primeru, en 2015, foi al Meyor presentador de radio pol so trabayu nel programa La Brújula[2]. El segundu ganolo gracies al programa especial de Más de uno nel Día de la Radio[3].
Referencies[editar | editar la fonte]
- ↑ El Español (ed.): «De Lucas a Colmenarejo: las cinco claves de la nueva temporada de la Radio» (en castellanu) (3 de setiembre de 2018). Consultáu'l 8 d'avientu de 2020.
- ↑ «Lista de Premiados 2015». premiosondas.com. Consultáu'l 8 d'avientu de 2020.
- ↑ «Carlos Alsina, premio Ondas 2019 por la programación especial de Más de uno el Día de la Radio» (en castellanu). ONDA CERO. Consultáu'l 8 d'avientu de 2020.
Enllaces esternos[editar | editar la fonte]
Wikimedia Commons acueye conteníu multimedia sobre Carlos Alsina 
.- Perfil de Carlos Alsina na web d'Onda Cero (castellán)
Datos: Q5749643- Multimedia: Carlos Alsina