Canal de Mozambique

De Wikipedia
Saltar a: navegación, buscar
Llocalización de la canal de Mozambique.

La Canal de Mozambique (en francés Canal du Mozambique; en malgache Lakandranon'i Mozambika; y en portugués Canal de Moçambique) ye un brazu del océanu Índicu asitiáu ente Madagascar y Mozambique[1]. Tien una estensión aprosimada de 1.600 km de llargu y un anchor, nel so puntu más estrechu, de 419 km. La so mayor profundidá, de 3.292 m, alcánzala a unos 230 km de la costa de Mozambique. Una corriente templada, nomada la corriente de Mozambique, percuérrelu en dirección sur, dirixendo l'agua del Índicu hacia la corriente d'Agulhas, asitiada na costa oriental de la República Sudafricana[1].

Llendes[editar | editar la fonte]

La másima autoridá internacional encargada d'afitar la llende de los mares y océanos a efectos de navegación marítima, la Organización Hidrográfica Internacional (International Hydrographic Organization, IHO), considera la canal de Mozambique como un mar. Na so publicación de referencia, «Limits of oceans and seas» (Llendes d'océanos y mares, 3ª edición de 1953), asígna-y el númberu d'identificación 45 (a) —correspondiente a ún de los mares del océanu Índicu— y define les sos llendes como vien darréu:

Al norte.Una llínia imaxinaria que va dende la ría del ríu Rovuma (10°28'S 40°26'E) hasta Ras Habu, la punta norte de la islla Gran Comora, la más septentrional de les islles Comores, y'l cabu d'Ambre (ámbar), estremu más septentrional de Madagascar (11°57'S 49°17'E).
Al este. La costa occidental de Madagascar.
Al sur. Una llínia imaxinaria que va dende'l cabu Sainte-Marie, la punta más meridional de Madagascar, hasta Ponto do Ouro, nel continente africanu (26°53'S 32°56'E).
Al oeste. La parte continental de Sudáfrica.

Limits of oceans and seas, pág. 22.[2]

Pesie a que figura asina na definición de la IHO, lo más correutu ye definir la llende occidental como la costa meridional africana (Southern Africa) o la costa de Mozambique, y non la costa de Sudáfrica (South Africa).

Islles nel canal[editar | editar la fonte]

La canal de Madagascar (c.1500).

Comores[editar | editar la fonte]

France[editar | editar la fonte]

Mozambique[editar | editar la fonte]

Historia[editar | editar la fonte]

La canal foi l'escenariu de la batalla de Madagascar, demientres la Segunda Guerra Mundial.

Referencies[editar | editar la fonte]

  1. 1,0 1,1 Artículu Mozambique Channel na web de la Enciclopedia Británica.
  2. On the North. A line from the estuary of the River Rovuma (10°28′S 40°26′E) to Ras Habu, the Northern point of Ile Grande Comore, the Northern of the Comore (Comoro) Islands, to Cap d'Ambre (Amber) the Northern extremity of Madagascar (11°57′S 49°17′E). .
    On the East. The West coast of Madagascar.
    On the South. A line from Cap Sainte-Marie, the Southern extreme of Madagascar to Ponto do Ouro on the mainland (26°53′S 32°56′E).
    On the West. The mainland of South Africa.

    Documentu disponible, n'inglés, na web de la «International Hydrographic Organization» en: http://www.iho.int/publicat/free/files/S23_1953.pdf.