Caitano Bardón

De Wikipedia
Saltar a navegación Saltar a la gueta
Caitano BardónPicto infobox auteur.png
Vida
Nacimientu Carrizo de la Ribera Traducir1881
Nacionalidá Bandera d'España España
Fallecimientu

Uviéu1924

(42/43 años)
Estudios
Llingües castellanu
Lleonés
Oficiu
Oficiu escritor y militar
Cambiar los datos en Wikidata

Cayetano Álvarez Bardón (1881Carrizo de la Ribera Traducir - 1924Uviéu), más conocíu como Caitano,[1] foi un militar y escritor llionés.

Militar de profesión, sábese que participó na Guerra d'África y qu'ellí algamó'l grau de capitán. Más tarde viviría n'Uviéu, onde exerció como auxiliar de mayoría nel gobiernu militar y de Delegáu Gubernativu en Llanera y La Ribera. Casáu con Juana García de Casielles López, frutu del so matrimoniu tendríen seis fíos, toos ellos tamién militares y intelectuales (Lázaro Bardón, senador y rector de la Universidá Central; Leopoldo Bardón, teniente vicariu castrense de Canaries, César Bardón y Emilio Bardón Sabugo).

Anque descendía d'una familia procedente d'Oumaña y asentada en La Cepeda, Caitano nunca residió nesta comarca. Únicamente permanecería de manera temporal en dellos momentos de la so infancia. La so casa familiar de Quintana, tovía en pie, porta una placa conmemorativa colocada'l 7 d'agostu de 1999.[2]

Obra[editar | editar la fonte]

Cayetano Álvarez Bardón foi un estudiosu del asturllionés, procedente elli mesmu de la Provincia de Lleón. La so obra más conocida ye "Cuentos en dialeuto leonés". Publicada en 1907, ta considerada l'entamu del reconocimientu per parte de la sociedá llionesa de la so llingua propia, siendo un llibru mui exitosu que se reeditó en 1920, 1971 y 1987.

El so llabor foi consideráu capital pa los estudios sobre'l l'idioma asturianu llevaos a cabu por Ramón Menéndez Pidal, ya que daba muestres de las formes dialeutales propies de La Cepeda. Inclusive güei ye tomáu como fonte de referencia en datos llingüísticos, como la propia recuperación del nome autóctonu de la rexón, qu'apaez nos sos testos na forma semicastellanizada como «Lion». Fixo bien d'escritos pa la creación d'una Historia de la Provincia de León que, llamentablemente, foron destruyíos.

Güei la so dedicación a la cultura llionesa ta honrada na ciudá de Lleón, con una cai de la capital que lleva'l so nome nel barriu d'El Ejido dende l'añu 2000.

Enllaces esternos[editar | editar la fonte]

Referencies[editar | editar la fonte]