Cámara Santa

De Wikipedia
Saltar a navegación Saltar a la gueta
Cámara Santa
World Heritage Logo global.svg Patrimoniu de la Humanidá UNESCO
Cámara Santa, exterior.jpg
Llocalización
PaísBandera d'España España
AutonomíaFlag of Asturias.svg Principáu d'Asturies
Provinciaprovincia d'Asturies
ConceyuUvieu flag.svg Uviéu
ParroquiaUviéu
CiudáUviéu
Coordenaes 43°21′44″N 5°50′34″O / 43.362222°N 5.842881°O / 43.362222; -5.842881Coordenaes: 43°21′44″N 5°50′34″O / 43.362222°N 5.842881°O / 43.362222; -5.842881
Cámara Santa is located in Asturies
Cámara Santa
Cámara Santa
Cámara Santa (Asturies)
Historia y usu
Aperturasieglu IX
Diócesis Archidiócesis d'Uviéu
Arquiteutura
Estilu arte prerrománicu
Patrimoniu de la Humanidá
Referencia 312-004
Rexón Europa y América del Norte
Inscripción )
Web oficial
Cambiar los datos en Wikidata

La Cámara Santa ye una capiella palatina que s'alcuentra adosada a la Torre de San Miguel, restu del Palaciu de Fruela y qu'anguaño alcuéntrase integrada na Catedral d'Uviéu d'estilu góticu. Dende'l sieglu IX guardense nella les Ayalgues y Reliquies de la Catedral.

La Cámara Santa foi construyida por Alfonsu II a entamos del sieglu IX cuando reconstruyó la ilesia d'estilu prerrománicu dedicada a San Salvador y que fuera irguía por Fruela nel sieglu VIII y posteriormente destruyía polos musulmanes.

La Cámara Santa ta construyía en dos plantes: la cripta (embaxu) y la capiella superior (San Miguel). La cripta ta abeyugada por una bóveda de lladrillu en forma cañón dedicada a Santa Leocadia. La capiella superior ta baxu la advocación de San Miguel y contién les reliquies. Esta tien dos naves amestándose-y la bóveda de la nave y l'Apostoláu escultóricu románicu.


Cripta de Santa Leocadia[editar | editar la fonte]

La cripta foi parte d'un conxuntu de dos santuarios superpuestos, pero ensin comunicación ente ellos, la cripta ye'l santuariu d'embaxu y el d'enrriba ye la cámara Santa.

El llevantamientu de la cripta entámase tres el traslláu de los restos de los santos mártires cordobeses Eulogio y Leocricia dende l'emiratu de Muhammad por Dulcidio. La primer noticia de la cripta aparez nel añu 908.

Arquiteutura[editar | editar la fonte]

La crpta ye de forma rectangular abeyugada con una bóveda de cañón d'un altor de 2.30 metros. L'espaciu ta dividíu en dos, na entrada ta situao la nave y al fondu el prebisteriu nel que ta colocáu l'altar. La nave ta asitiada al principiu de la cripta, nella alcuéntrase les dos entraes esistentes pa la cripta, situadas una al norte y otra al sur. El suelu tien tres tumbes escavaes na tierra y perpendiculaes a les entraes polo que la so orientación ye este-oeste.

Dos d'estes tumbes tan cubiertes por lápides enteramente llabraes, la tercera carez de cualesquier tipu de llosa. El prebisteriu al fondu conserva'l pavimentu orixinal. Nesta zona alcuéntrase l'altar mayor, consistente nun gran boque de piedra que descansa enrriba la tumba de Dulcidio. Na paré alcuéntrase una ventana cola cruz griega.

Capiella de San Miguel[editar | editar la fonte]

Ye una capiella asitiada na parte d'enrriba la cripta de Santa Leocadia. La capiella ye contemporánea la cripta y de la torre vieya de San Salvador, anque fasta'l sieglu XII nun se llamó d'esta forma siendo dafechu independiente la cripta.

Nel siglu XIII la capiella entamóse a usar pa guardar les importantes reliquies que taben depositaes na catedral, función que güei sigue faciendo.