Bron

De Wikipedia
Saltar a navegación Saltar a la gueta

El bron ye una xíriga falada pol gremiu los caldereros en Miranda d'Avilés (n'Avilés, Asturies) y en San Xuan de Villapañada (Grau); ta rellacionáu col burón de los cesteros de Fornela (Lleón). J.M. Feito rellaciónalu tamién col broun d'Auvernia, en tierres yá de Francia.

Carauterístiques[editar | editar la fonte]

Tien abondes pallabres d'orixe xitanu (payo), francés antiguu (chen<chien, perru), gallego-portugués (filluma<filha, fía), dalguna del vascu (artón, pan) y hasta del inglés (xiripo<sheriff, policía, guarda civil). La gramática de base suel ser la del asturianu, magar que a vegades úsase la del castellán, si bien ye un castellán perasturianizáu.

Gramática[editar | editar la fonte]

Tien el bron la carauterística de tender a usar la tercera persona del verbu, en llugar de la 1ª o 2ª. Exemplos: Moi tróbase del garo xipeno/Moi tróbome del garo xipeno (Yo soi del pueblu pequeñu) Toi acanea p'acá col yapo de gopa/Toi acanea p'acá col yapo de gopa (Vies col bastón)